Astana halyqaralyq qarjy ortalyǵynyń (AFSA) Qarjy qyzmetterin retteý komiteti Nurhat Kóshimovty Binance Qazaqstannyń bas menedjeri bolyp taǵaiyndalǵanyn jetkizdi, dep jazady Dalanews.kz.
"Nurhat Binance Kazakhstan-nyń damýy, retteýshi organdarmen ózara árekettesý, bilim berý bastamalaryn ilgeriletý jáne tsifrlyq aktivter naryǵynyń turaqty ósýi úshin seriktestikti nyǵaitýǵa jaýapty bolady", delingen kompaniia aqparatynda.
Binance Kazakhstan-nyń jańa bas menedjeri "Bolashaq" baǵdarlamasynyń stipendiaty jáne Kembridjdiń quqyq mamandyǵy boiynsha magistri bolyp tabylady. Onyń kásibi jolynyń 20 jyly quqyqtyq qamtamasyz etý jáne qarjy salasyna arnalǵan. Ol Binance Kazakhstan-nyń strategiialyq damýyna, retteýshilermen jáne Úkimetpen ózara is-qimyldy nyǵaitýǵa, sondai-aq eldiń tsifrlyq aktivter naryǵynda innovatsiialardy ilgeriletýge basymdyq beretin bolady.
Buǵan deiin saitymyzda "1,5 mln qazaqstandyq kriptovaliýtanyń kóleńkeli naryǵynda júr. Ulttyq bank ne usynady" atty maqala jariialanǵan bolatyn. Osy naryqqa qatysty elimizdegi zańnamada retteýdi qajet etetin tompaq tustar kóp. Zań osaldyǵynan temir tordyń arǵy jaǵyna toǵytylǵandar da qanshama?..
