Mega Center Management KASEء-نىڭ رەسمي تىزىمىنەن جاي اكسيالارىن ەرىكتى تۇردە الىپ تاستايتىنىن (دەليستينگ) جاريالادى. مۇنداي شەشىمدى كومپانيانىڭ جالعىز اكسيونەرى 6 اقپاندا قابىلداپتى، دەپ جازادى Dalanews.kz.
"ەرىكتى دەليستينگ، اتاپ ايتقاندا "Mega Center Management "اق-تىڭ جاي اكسيالارىن "قازاقستان قور بيرجاسى" اق رەسمي تىزىمىنەن الىپ تاستاۋ ماقۇلدانسىن"، دەلىنگەن KASE سايتىنداعى 11 اقپاندا جاريالانعان كومپانيا قۇجاتىندا.
ال بۇل ارەكەتتىڭ سەبەپتەرى تۋرالى ەشتەڭە ايتىلمايدى.
2025 جىلى 1 قاڭتاردا Mega Center Managementء-تىڭ جالعىز اكسيونەرى سينگاپۋردا تىركەلگەن The Steppe Sunrise Trust سەنىمگەرلىك قورىنىڭ باسقارۋىنداعى A.G. Overseas PTE. LTD جەكە اكسيونەرلىك كومپانياسى بولىپ تابىلادى.
سوڭعى قارجىلىق ەسەپ دەرەكتەرىنە سايكەس، 2024 جىلعى 1 قازانداعى جاعداي بويىنشا Mega Center Managementء-تىڭ جيىنتىق اكتيۆتەرى 61،3 ملرد تەڭگەنى، جيىنتىق مىندەتتەمەلەر 36،7 ملرد تەڭگەنى قۇرادى، مەنشىكتى كاپيتال 24،6 ملرد تەڭگە مولشەرىندە قالىپتاستى. 2024 جىلعى قاڭتار-قىركۇيەكتەگى تازا تابىسى 11،5 ملرد تەڭگەگە جەتتى. بۇل رەتتە 2023 جىلى Mega Center Management 14،3 ملرد تەڭگە تابىس تاپقان.
Mega Center Management قازاقستانداعى ەڭ ءىرى MEGA ساۋدا-ويىن-ساۋىق ورتالىقتارىنىڭ (Mega Alma-Ata، الماتىداعى MEGA Park، استاناداعى MEGA Silk Way) جەلىسىن سالۋمەن جانە دامىتۋمەن اينالىساتىن Astana Group-تىڭ قۇرىلىس سالاسىنداعى بولىمشەسى بولىپ سانالادى.
قازاقستانداعى باي بيزنەسمەندەر قاتارىنا جاتاتىن نۇرلان سماعۇلوۆتىڭ داۋلەتى 980 ملن دوللارعا باعالانادى.
بۇعان دەيىن بتا بانك راقىشيەۆقا تيەسىلى كومپانيانىڭ اكسيونەرى اتانعانىن جازعانبىز.
