ساز كوللەدجىنەن قانات قاققان وزگە دە شاكىرتتەر قاتىسقان ايتۋلى كەشتى وبلىستىق وپەرا جانە بالەت تەاترىنىڭ سيمفونيالىق وركەسترى سۇيەمەلدەدى. باس ديريجەرى – قۋانىش يسمايلوۆ.
سونداي-اق، كونسەرتتىك باعدارلامادا ايگەرىم تەمىربەكوۆا، نۇرقانات تاپييەۆ، بەكزود سادىكوۆ، ايبەك كاناتبەك، ايان تولەگەن دە ونەر كورسەتتى.
كەلەسى كۇنى كوپتەگەن ونەر جۇلدىزدارىنىڭ تالابىن ۇشتاپ، دارىنىنا قانات بىتىرگەن قالالىق ساز كوللەدجى مەرەيتويىنىڭ سالتاناتتى شاراسى دا ەلىمىزدىڭ تۇكپىر-تۇكپىرىنەن كەلگەن قوناقتار مەن شاكىرتتەردىڭ قاتىسۋىمەن ءوتتى.
دارىنداردى تۇلەتكەن ءبىلىم ۇياسىنىڭ تۇلەكتەرى ق ر حالىق ءارتىسى لاكي كەسوگلۋ، قازاقستان مەن تاتارستاننىڭ حالىق ءارتىسى نۇرجامال ۇسەنبايەۆا، ق ر ەڭبەك سىڭىرگەن ءارتىسى، وپەرا ءانشىسى بولاتبەك بۇكەنوۆ، ق ر ەڭبەك سىڭىرگەن ءارتىسى، ديريجەر جالعاسبەك بەگەندىكوۆ، ق ر مادەنيەت قايراتكەرى، دوسەنت سەرىكجان ءابدىنۇروۆ، حالىقارالىق بايقاۋلاردىڭ لاۋرەاتى، ەسترادا ارتىستەرى باۋىرجان يسايەۆ، جولبارىس سەيفۋللين جانە تاعى دا باسقا ساحنا ساڭلاقتارى ونەر شاشۋىن شاشقان شارادا تۇركىستان وبلىسىنىڭ اكىمى تۇيمەبايەۆ جانسەيىت قانسەيىت ۇلىنىڭ دا قۇتتىقتاۋ حاتى وقىلىپ، ارنايى سىي-سياپاتى تابىستالدى.
ءۇش كۇنگە ۇلاسقان تورقالى مەرەيتوي تولەبي اۋدانىندا نۇرجامال ۇسەنبايەۆا باستاعان شىمكەنت قالالىق ساز كوللەدجى ستۋدەنتتەرىنىڭ كونسەرتتىك باعدارلاماسىنا ۇلاسىپ، ەل ىقىلاسىنا بولەندى.
تۇركىستان وبلىسى مادەنيەت جانە تىلدەردى دامىتۋ باسقارماسىنىڭ باسپا ءسوز قىزمەتى.
