Nurjamal Úsenbaeva Túrkistan oblysynda kontsert berdi
Saz kolledjinen qanat qaqqan ózge de shákirtter qatysqan aitýly keshti oblystyq opera jáne balet teatrynyń simfoniialyq orkestri súiemeldedi. Bas dirijeri – Qýanysh Ismailov.
Sondai-aq, kontserttik baǵdarlamada Aigerim Temirbekova, Nurqanat Tápiev, Bekzod Sadykov, Aibek Kanatbek, Aian Tólegen de óner kórsetti.
Kelesi kúni kóptegen óner juldyzdarynyń talabyn ushtap, darynyna qanat bitirgen qalalyq Saz kolledji mereitoiynyń saltanatty sharasy da elimizdiń túkpir-túkpirinen kelgen qonaqtar men shákirtterdiń qatysýymen ótti.
Daryndardy túletken bilim uiasynyń túlekteri QR Halyq ártisi Laki Kesoglý, Qazaqstan men Tatarstannyń Halyq ártisi Nurjamal Úsenbaeva, QR Eńbek sińirgen ártisi, opera ánshisi Bolatbek Búkenov, QR Eńbek sińirgen ártisi, dirijer Jalǵasbek Begendikov, QR Mádeniet qairatkeri, dotsent Serikjan Ábdinurov, halyqaralyq baiqaýlardyń laýreaty, estrada ártisteri Baýyrjan Isaev, Jolbarys Seifýllin jáne taǵy da basqa sahna sańlaqtary óner shashýyn shashqan sharada Túrkistan oblysynyń ákimi Túimebaev Janseiit Qanseiitulynyń da quttyqtaý haty oqylyp, arnaiy syi-siiapaty tabystaldy.
Úsh kúnge ulasqan torqaly mereitoi Tólebi aýdanynda Nurjamal Úsenbaeva bastaǵan Shymkent qalalyq Saz kolledji stýdentteriniń kontserttik baǵdarlamasyna ulasyp, el yqylasyna bólendi.
Túrkistan oblysy Mádeniet jáne tilderdi damytý basqarmasynyń baspasóz qyzmeti.
