شىمكەنتتە قازا تاپقان نۇراي سەرٸكبايدىڭ وتباسىنىڭ ادۆوكاتى قىزدىڭ پوليتسييادا جاۋاپ بەرٸپ وتىرعان سەتٸ تٷسٸرٸلگەن ۆيدەونىڭ تارالۋىنا بايلانىستى رەسمي شاعىم جولدادى, دەپ حابارلايدى Dalanews.kz «31 ارناعا» سٸلتەمە جاساپ.
ۆيدەونى قۇقىق قورعاۋ ورگاندارىنان جۇمىستان بوساتىلعان بۇرىنعى قىزمەتكەر تاراتقان. كادرلاردا مارقۇم نۇراي كٷدٸكتٸگە قاتىستى ەشقانداي شاعىمى جوق ەكەنٸن ايتادى. وسىعان بايلانىستى جەبٸرلەنۋشٸ تاراپتىڭ ادۆوكاتى سەرجان نۇرپەيٸسوۆ بۇرىنعى پوليتسييا قىزمەتكەرٸنە ٸستەگٸ قۇپييا دەلەلدەردٸ جارييا تاراتقانى ٷشٸن شاعىم تٷسٸردٸ.
"بۇل جاعداي بٸز ٷشٸن توسىن جاڭالىق بولعان جوق. بٸزدٸڭ ويىمىزشا, بۇل ۆيدەو - تەرگەۋ بارىسىندا ۇسىنىلۋى تيٸس دەلەلدەردٸڭ بٸرٸ جەنە رەسمي تەرگەۋ اياقتالعانعا دەيٸن جارييا ەتٸلمەۋٸ كەرەك. مۇندا تەرگەۋ قۇپيياسى بۇزىلعان. مۇنداي جاعدايدا زاڭدا تيٸستٸ شارالار, تٸپتٸ قىلمىستىق جاۋاپكەرشٸلٸك تە قاراستىرىلعان. بٸز شاعىم تٷسٸردٸك, ەندٸ تەرگەۋ ورگاندارى بۇل جايتقا قۇقىقتىق باعا بەرەدٸ", - دەدٸ نۇرپەيٸسوۆ.
ايتا كەتەيٸك, 11 قاڭتاردا شىمكەنتتە 21 جاستاعى قىز پىشاق جاراقاتتارىنان كٶز جۇمدى. قايعىلى وقيعا بەينەباقىلاۋ كامەرالارىنا تٷسٸپ قالعان.
مارقۇمنىڭ تۋىستارىنىڭ ايتۋىنشا, نۇراي سەرٸكباي 11 رەت پىشاق جاراقاتىن العان.
ەسكە سالايىق, بۇعان دەيٸن پوليتسييا قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا 21 جاستاعى تۇرعىندى ٶلتٸردٸ دەگەن كٷدٸكتٸ ەر ادامدى ۇستادى.
سونىمەن قاتار, پرەزيدەنت ۇلتتىق قۇرىلتايدا شىمكەنتتٸك نۇرايدىڭ ٶلٸمٸنە قاتىستى پٸكٸر بٸلدٸردٸ.
