اكسياعا ۆولونتەرلەر، قالا تۇرعىندارى، شوب قىزمەتكەرلەرى، كوممۋنالدىق قىزمەتتەر مەن مەردىگەرلىك ۇيىمداردىڭ وكىلدەرى جانە ت. ب. قاتىستى.
جالپى العاندا اكسياعا 35 مىڭنان استام ادام قاتىستى.
"دۇنيەجۇزىلىك تازالىق كۇنى" الەۋمەتتىك-ەكولوگيالىق اكسياسى اياسىندا ساياباقتار مەن گۇلزارلار جينالدى، 4326 اعاش وتىرعىزىلدى.
پوليگونعا 170 توننا قوقىس جينالىپ شىعارىلدى.
اكسيا بارىسىندا بالالار ويىن الاڭى جانە سپورت الاڭدارىن اباتتاندىرۋ جانە جابدىقتاۋ، برۋسچاتكالاردى، بورديۋرلەردى قالپىنا كەلتىرۋ جۇمىستارى جۇرگىزىلدى.
سونىمەن قاتار، رۇقساتى جوق قوقىس تاستايتىن جەرلەر جويىلدى، سىرتقى جارناما دەمونتاجى جاسالدى. ەلوردادا 16 قىركۇيەك پەن 13 قازان ارالىعىندا كۇزگى ەكولوگيالىق ايلىق وتەدى.
