"نۇر-مۇقاسان" توبىنىڭ جاڭا مۇشەسى عالىمجان توپتىڭ بۇرىنعى ءانشىسى، تانىمال جۇلدىز مۇقاسان شاحزادايەۆتان وڭباي تاياق جەگەنىن ايتتى. پوليسيا بۇل جايتقا قاتىستى قىلمىستىق ءىس قوزعادى، دەپ حابارلايدى Dalanews.kz.
22 قاراشادا ناۋرىزباي اۋداندىق پوليسيا باسقارماسىنا جەرگىلىكتى تۇرعىن ازامات م. جانە وزگە دە بىرنەشە تۇلعالار تاراپىنان وعان دەنە جاراقاتىن سالۋ دەرەگى بويىنشا ارىزبەن جۇگىنگەن.
"بۇل دەرەك بويىنشا قىلمىستىق ءىس قوزعالدى. وقيعانىڭ بارلىق ءمان-جايىن انىقتاۋعا باعىتتالعان كەشەندى تەرگەۋ ءىس-شارالارى جۇرگىزىلىپ جاتىر. تەرگەۋ ناتيجەلەرى بويىنشا قازاقستان رەسپۋبليكاسىنىڭ زاڭناماسىنا سايكەس ءتيىستى شارالار قابىلدانادى"، - دەپ جازىلعان الماتى قالاسى پوليسيا دەپارتامەنتىنىڭ باسپا ءسوز قىزمەتى حابارلاماسىندا.
بۇعان دەيىن ءىستىڭ ءمان-جايىن جازعان ەدىك. عالىمجان سۇلەيمەننىڭ ايتۋىنشا، داۋدىڭ ءبارى توپ ورىنداعان اننەن شىققان. ماسەلەنى شەشۋ ءۇشىن عالىمجان ەسىمدى ءانشى شاحزادايەۆتىڭ ۇيىنە بارعان. الايدا سوققىعا جىعىلعان. پوليسيا مۇقاساندى ەمەس مەنى الىپ كەتتى دەيدى. ال ءقازىر "نۇر-مۇقاسان" توبىنىڭ مۇشەسى زاڭگەرلەردىڭ كومەگىنە جۇگىنىپ "جۋان جۇدىرىقتى" ءانشىنى جاۋاپقا تارتقىسى كەلەدى.
