قاراعاندىدا كەسٸپكەر ەرلان نىعماتۋلينگە تيەسٸلٸ “YDD Corporation” فەرروقورىتپا زاۋىتىندا جۇمىسشىلاردىڭ قازا بولۋىنا بايلانىستى قىلمىستىق ٸستٸڭ قوزعالعانىنا جارتى جىلدان استام ۋاقىت ٶتتٸ. الايدا كٷدٸكتٸلەر ەلٸ انىقتالماعان, دەپ حابارلايدى Dalanews.kz.
“قاجەتتٸ ساراپتامالار تاعايىندالدى, بٸراق تولىق اياقتالعان جوق. ساراپتاما نەتيجەلەرٸن كٷتٸپ وتىرمىز”, – دەپ مەلٸمدەدٸ قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ كازتاگ رەداكتسيياسىنا.
سونداي-اق قۇقىق قورعاۋ ورگاندارى اتالعان ٸستٸڭ “ەڭبەكتٸ قورعاۋ ەرەجەلەرٸن بۇزۋ, ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەلۋ” بابى بويىنشا تەك وقيعا فاكتٸسٸ نەگٸزٸندە تەرگەلٸپ جاتقانىن, ەزٸرگە ناقتى كٷدٸكتٸلەردٸڭ جوق ەكەنٸن اتاپ ٶتتٸ.
زاۋىتتاعى تراگەدييا جەنە تەرگەۋ بارىسى
ەسكە سالا كەتەيٸك, 2024 جىلى 20 شٸلدەدە “YDD Corporation” فەرروقورىتپا زاۋىتىندا تٶتەنشە جاعداي ورىن الدى. كومپانييا بۇل وقيعانى “كٷتپەگەن جاعداي” دەپ اتادى. №1 بالقىتۋ پەشٸندە كەنەتتەن جالىن اتقىلاپ, سالدارىنان سەگٸز قىزمەتكەر اۋىر جاراقات الدى. اتالعان وقيعا بويىنشا قىلمىستىق ٸس قوزعالدى.
ينتسيدەنتتٸ تەرگەۋ ٷشٸن رەسپۋبليكالىق ارنايى كوميسسييا قۇرىلدى. ساراپشىلاردىڭ قورىتىندىسى بويىنشا, جۇمىس بەرۋشٸنٸڭ باستى جاۋاپكەرشٸلٸگٸ ايقىندالعان. مەملەكەتتٸك ورگانداردىڭ مەلٸمەتٸنشە, كەسٸپورىندا ەڭبەك قاۋٸپسٸزدٸگٸن قامتاماسىز ەتۋگە باعىتتالعان شۇعىل شارالار تيٸستٸ دەڭگەيدە ورىندالماعان, جۇمىسشىلاردىڭ دەنساۋلىعىنا زييان تيگٸزەتٸن فاكتورلاردى ازايتۋعا قاجەتتٸ جاعدايلار جاسالماعان. الايدا پەشتٸڭ تۇتانۋ سەبەبٸ ەلٸ ناقتى انىقتالعان جوق.
“YDD Corporation” كومپانيياسى ارنايى كوميسسييانىڭ تەرگەۋ نەتيجەلەرٸنە قاتىستى ەشقانداي پٸكٸر بٸلدٸرگەن جوق.
وقيعا سالدارىنان پلاۆيلدٸ تسەحتىڭ مەحانيگٸ دميترو ادامچۋك, باس مەحانيك قىزمەتٸنٸڭ شەبەرٸ تٶلەگەن جەتپٸسباەۆ, تەحنولوگ ەرۇلان قازكەن جەنە پەش باستىعى مۇزافار يسمايىلوۆ قازا تاپتى.
زاۋىتتاعى قايعىلى وقيعالار تٸزبەگٸ
بۇل – “YDD Corporation” زاۋىتىندا ورىن العان العاشقى تٶتەنشە جاعداي ەمەس. 2022 جىلعى مامىردا دەل وسى كەسٸپورىندا رۋدوپلاۆيلدٸ پەشتەن جالىن اتقىلاپ, جۇمىسشى سۇڭعات تونتاەۆ اۋىر كٷيٸك الدى. ول 80% ەڭبەك قابٸلەتٸنەن ايىرىلىپ, ەكٸنشٸ توپتاعى مٷگەدەك اتاندى.
الايدا, اتالعان وقيعا بويىنشا “ەڭبەكتٸ قورعاۋ ەرەجەلەرٸن بۇزۋ, ابايسىزدا اۋىر جاراقاتقا ەكەلۋ” بابى بويىنشا قوزعالعان قىلمىستىق ٸس بٸر جىل ٶتكەن سوڭ مەرزٸمنٸڭ ٶتۋٸنە بايلانىستى توقتاتىلعان.
پاراللەل تٷردە جەبٸرلەنۋشٸ سوتقا جٷگٸنٸپ, كومپانييانى ٶزٸنە مٷگەدەكتٸك ەكەلگەن جاعدايعا تٸكەلەي جاۋاپتى دەپ تانۋدى تالاپ ەتكەن. ول كەزدە وقيعا قوعامعا كەڭٸنەن جارييا بولدى.
كومپانييا جەنە ونىڭ قۇرىلتايشىلارى
"YDD Corporation" – جوعارى ساپالى فەرروسيليتسيي, تسەمەنت جەنە ميكروكرەمنەزەمدٸ بەتون ٶندٸرٸسٸمەن اينالىساتىن كەسٸپورىن. ونىڭ تەڭ يەلەرٸنٸڭ بٸرٸ – كەسٸپكەر ەرلان نىعماتۋلين, ول قازاقستاننىڭ بۇرىنعى مەجٸلٸس تٶراعاسى نۇرلان نىعماتۋليننٸڭ ەگٸزٸ.
كەسٸپورىننىڭ باسقا قۇرىلتايشىلارى قاتارىندا Forbes Kazakhstan تٸزٸمٸندەگٸ بيزنەسمەن دٸنمۇحامەد ىدىرىسوۆتىڭ ۇلى جارماحانبەت اپپاز, سونداي-اق كەسٸپكەر داۆيد كەمەرتەليدزە بار.
كازتاگ اگەنتتٸگٸنٸڭ مەلٸمەتٸنشە, زاۋىتتىڭ قۇنىنىڭ 66%-ى مەملەكەت قاراجاتى ەسەبٸنەن قارجىلاندىرىلعان.
ٷكٸمەتتٸڭ رەاكتسيياسى جەنە نىعماتۋليندەرگە قاتىستى ايىپتاۋلار
2024 جىلعى 25 شٸلدەدە قر پرەمەر-مينيسترٸ ولجاس بەكتەنوۆ اتالعان قايعىلى وقيعانىڭ تەرگەۋٸن جەكە باقىلاۋىنا العانىن مەلٸمدەدٸ.
ال 30 شٸلدەدە بەلگٸلٸ بولعانداي, زاۋىت باسشىلىعى اپات ورىن العان سەتتەن باستاپ ەكٸ ساعات بويى تٶتەنشە جاعداي قىزمەتٸنە حابار بەرمەگەن جەنە قۇتقارۋشىلاردى وبەكتٸگە كٸرگٸزۋدەن باس تارتقان.
نۇرلان نىعماتۋلين 2022 جىلى 1 اقپاندا, قاڭتار وقيعاسىنان كەيٸن, مەجٸلٸس تٶراعاسى قىزمەتٸنەن كەتكەن بولاتىن. ول بۇل لاۋازىمدى 2016 جىلدان بەرٸ اتقارىپ كەلگەن, سونداي-اق 2012-2014 جىلدارى دا سپيكەر بولعان. بۇعان دەيٸن ول پرەزيدەنت ەكٸمشٸلٸگٸن باسقارعان, سونداي-اق قاراعاندى وبلىسىنىڭ ەكٸمٸ قىزمەتٸن اتقارعان.
ەرلان نىعماتۋلين مەجٸلٸس پەن سەناتتىڭ بۇرىنعى دەپۋتاتى, ال ولاردىڭ ٷلكەن اعاسى ارعىن نىعماتۋلين – قاراعاندى وبلىستىق مەسليحاتىنىڭ بۇرىنعى دەپۋتاتى.
باۋىرلارىنا رەيدەرلٸك ەرەكەتتەرگە قاتىسى بار, قىلمىستىق قۇرىلىمدارمەن بايلانىسى بار, زاڭسىز قىلمىستىق ٸستەر ۇيىمداستىرعان دەگەن ايىپتار بٸرنەشە رەت تاعىلعان. الايدا ولاردىڭ ەشقايسىسى جاۋاپكەرشٸلٸككە تارتىلعان جوق.
