قازاقستاندىق شاحماتشى بيبٸسارا اساۋباەۆا مەملەكەت باسشىسى قاسىم-جومارت توقاەۆقا ٷندەۋ جاساپ, كەسٸبي سپورتتاعى مەسەلەلەر مەن قارجىلىق قولداۋ تاپشىلىعى تۋرالى ايتتى, دەپ حابارلايدى dalanews.kz.
ەلەمدٸك رەيتينگتە بەسٸنشٸ ورىندا تۇرعان گروسسمەيستەردٸڭ سٶزٸنشە, قازٸرگٸ تاڭدا ونىڭ الدىندا تەك تٶرت قىتايلىق شاحماتشى عانا بار.
«مەن ەلەمدٸك رەيتينگتە بەسٸنشٸ ورىندا تۇرمىن. الدىمدا تەك تٶرت قىتايلىق بار. قالعان ەلەمنٸڭ بەرٸن ارتتا قالدىردىم», – دەدٸ سپورتشى.
بيبٸسارا اساۋباەۆا جاقىندا عانا بەدەلدٸ Norway Chess تۋرنيرٸندە مەرزٸمٸنەن بٸر اينالىم بۇرىن چەمپيون اتانعانىن ەسكە سالدى. ونىڭ ايتۋىنشا, جارىسقا دايىندىق جەكە جٷلدە قورىنان جەنە اتا-اناسىنىڭ قاراجاتى ەسەبٸنەن جٷرگٸزٸلگەن.
شاحماتشىنىڭ ايتۋىنشا, تۋرنيرگە كٶمەكتەسكەن سەكۋندانتتار مەن اناليتيكتەردٸڭ ەڭبەكاقىسى ەلٸ كٷنگە دەيٸن تٶلەنبەگەن.
ول پرەزيدەنتتٸڭ ٶزٸن ەلدٸڭ «التىن قورىنا» جاتقىزعانىن ەسكە الىپ, جەتٸستٸكتەردٸڭ ٷلكەن ەڭبەكپەن كەلەتٸنٸن ايتتى.
«مەنٸڭ مەدالدارىم وراسان ەڭبەكپەن, دەنساۋلىقپەن جەنە تٶزٸممەن كەلەدٸ. بارلىق كەدەرگٸلەرگە قاراماستان, ەلٸمٸزدٸڭ ابىرويى مەن تۋىن بيٸك ۇستاپ كەلەمٸن», – دەدٸ اساۋباەۆا.
سپورتشىنىڭ مەلٸمدەۋٸنشە, شاحماتتان ەلەم چەمپيوناتىن جەڭگەنٸ ٷشٸن بەرٸلەتٸن سىياقى كٶلەمٸ نەبەرٸ 2 مىڭ دوللاردى قۇرايدى. ال وليمپيادا جٷلدەگەرلەرٸ ٷشٸن بۇل كٶرسەتكٸش 250 مىڭ دوللارعا جەتەدٸ.
«قازاقستاندا مەننەن باسقا ەرەسەكتەر اراسىندا ەلەم چەمپيونى اتانعان شاحماتشى جوق», – دەدٸ ول.
اساۋباەۆانىڭ ايتۋىنشا, 2023 جىلى ەلەم چەمپيوناتىنداعى ەكٸنشٸ التىن مەدالٸنەن كەيٸن وعان سپورت مينيسترلٸگٸ جەلٸسٸ بويىنشا اي سايىن 1 ميلليون تەڭگە كٶلەمٸندە جالاقى تٶلەنگەن. الايدا 2025 جىلى مينيستر ەربول مىرزابوسىنوۆ قىزمەتكە كەلگەننەن كەيٸن بۇل تٶلەم ٷش ەسەگە قىسقارعان.
سونىمەن قاتار شاحماتشى قازاقستان شاحمات فەدەراتسيياسىنان ەشقاشان جالاقى الماعانىن مەلٸمدەدٸ.
ونىڭ سٶزٸنشە, 2025 جىلدىڭ سوڭىندا بليتس بويىنشا ٷشٸنشٸ مەرتە ەلەم چەمپيونى اتانىپ, شاحمات تەجٸنە ٷمٸتكەرلەر تۋرنيرٸنە قاتىسۋ قۇقىعىنا يە بولعان. بٸراق بۇل جەتٸستٸككە قاراماستان, مينيسترلٸك تاراپىنان تٶلەم كٶلەمٸ ٶزگەرمەگەن.
بيبٸسارا اساۋباەۆا بيىل قاڭتار ايىندا جاتتىقتىرۋشىسىمەن بٸرگە سپورت مينيسترٸمەن كەزدەسٸپ, فەدەراتسيياعا بٶلٸنگەن قارجىنىڭ جەتكٸلٸكسٸز ەكەنٸن جەتكٸزگەنٸن ايتتى.
«مينيستر "سپورت قورى" ارقىلى جٷز پايىز كٶمەكتەسەمٸز دەپ ۋەدە بەردٸ», – دەدٸ ول.
شاحماتشىنىڭ ايتۋىنشا, كەيٸن قورعا ٶتٸنٸم بەرٸلگەنٸمەن, قاجەتتٸ قاراجاتتىڭ تەك بٸر بٶلٸگٸ عانا بٶلٸنگەن. سونىڭ سالدارىنان سەكۋندانتتار قاشىقتان جۇمىس ٸستەۋگە مەجبٷر بولعان.
«مەن وسىنداي ماڭىزدى جارىسقا سەكۋندانتتارىن الىپ كەلە الماعان جالعىز شاحماتشى بولدىم», – دەدٸ سپورتشى.
ول ٷمٸتكەرلەر تۋرنيرٸندە ەكٸنشٸ ورىن العانىن دا اتاپ ٶتتٸ.
كەيٸن مينيسترلٸكتٸڭ ۇسىنىسىمەن قورعا تاعى بٸر ٶتٸنٸم بەرٸلگەن. اساۋباەۆانىڭ ايتۋىنشا, ۆيتسە-مينيستر سەرٸك جاراسپاەۆ WhatsApp ارقىلى قامقورشىلىق كەڭەس ٶتٸنٸمدٸ ماقۇلداعانىن حابارلاعان. الايدا بٸراز ۋاقىتتان كەيٸن قور باسشىلىعى ٶتٸنٸمدٸ سەبەپسٸز كەرٸ قايتارعان. شاحماتشى تاعى بٸر مەسەلەگە توقتالىپ, ٶزٸنە 2025 جىلعى 30 جەلتوقساندا پرەزيدەنت جارلىعىمەن II دەرەجەلٸ «بارىس» وردەنٸ بەرٸلگەنٸن, بٸراق ماراپاتتى ەلٸ كٷنگە دەيٸن الماعانىن ايتتى.
ونىڭ سٶزٸنشە, سپورت مينيسترلٸگٸنٸڭ شاقىرۋىمەن ماراپاتتى الۋ ٷشٸن استاناعا ٷش رەت بارعانىمەن, ەر ساپار كەيٸنگە شەگەرٸلگەن.
«ٶكٸنٸشكە قاراي, ٶز وردەنٸمدٸ ەلٸ كٷنگە دەيٸن العان جوقپىن», – دەدٸ ول.
سونداي-اق اساۋباەۆا سەۋٸر جەنە مامىر ايلارىندا پرەزيدەنتتٸڭ اتىنا ٷش حات جولداعانىن, بٸراق ەلٸ جاۋاپ كەلمەگەنٸن مەلٸمدەدٸ. حاتتاردىڭ كٶشٸرمەسٸ مينيسترگە WhatsApp ارقىلى دا جٸبەرٸلگەنٸمەن, جاۋاپ بولماعان.
ٷندەۋٸنٸڭ سوڭىندا شاحماتشى الداعى ماڭىزدى جارىستار مەن وقۋ-جاتتىعۋ جيىندارى الدىندا ٶزٸن تولعاندىرعان سۇراقتى قويدى.
«الدىمدا ٷلكەن جارىستار, جيىندار جەنە كٶپ جۇمىس تۇر. نە ٸستەۋٸم كەرەك, پرەزيدەنت مىرزا?» – دەپ سٶزٸن تٷيٸندەدٸ بيبٸسارا اساۋباەۆا.
