قازاقستان قارجى مونيتورينگٸ اگەنتتٸگٸ تٶراعاسىنىڭ ورىنباسارى جەڭٸس ەلەمەسوۆ ەكس-پرەزيدەنت نۇرسۇلتان نازارباەۆتىڭ تۋىستارىنا تيەسٸلٸ بولۋى مٷمكٸن دەگەن شەتەلدٸك مٷلٸك جايىندا پٸكٸر بٸلدٸردٸ. بۇل سۇراق شەتەلدٸك باسىلىمداردا جارييالانعان دەرەكتەرگە بايلانىستى قويىلعان ەدٸ, دەپ حابارلايدى Dalanews.kz.
ەلەمەسوۆتٸڭ ايتۋىنشا, شەتەلدە مٷلٸكتٸڭ نەمەسە اكتيۆتٸڭ بولۋى – ٶز الدىنا قىلمىس ەمەس.
– سٸزدەر نە تۋرالى ايتىپ تۇرعاندارىڭىزدى تولىق تٷسٸنبەدٸم. مەنٸڭ قولىمدا ونداي اقپارات جوق. شەتەلدەگٸ اكتيۆتٸڭ ٶزٸ – قىلمىس ەمەس, مۇنى دۇرىس تٷسٸنۋ قاجەت. ەگەر سٸزدەردە ناقتى مەلٸمەت بولسا – مىسالى, بۇل اكتيۆ قىلمىستىق جولمەن الىنعان, بيۋدجەتتەن ۇرلانعان اقشاعا ساتىپ الىنعان دەگەن سيياقتى – سول دەرەكتەردٸ بەرٸڭٸزدەر, – دەدٸ اگەنتتٸك ٶكٸلٸ.
ول ەگەر اگەنتتٸك قانداي دا بٸر قىلمىستىق ەرەكەت بەلگٸلەرٸن انىقتاسا, زاڭعا سەيكەس تەرگەۋ باستالاتىنىن جەتكٸزدٸ.
– شەتەلدە بٸرەۋدٸڭ اكتيۆٸ بار ەكەن دەگەن جالپىلاما سٶزدەرگە عانا سٷيەنٸپ, تەكسەرٸس جٷرگٸزۋ دۇرىس ەمەس, – دەدٸ ەلەمەسوۆ.
ەسكە سالايىق, نۇرسۇلتان نازارباەۆ 2019 جىلى تٸكەلەي ەفيردە پرەزيدەنتتٸك ٶكٸلەتتٸگٸن توقتاتاتىنىن مەلٸمدەگەن بولاتىن. ول قازاقستاندى 30 جىل بويى باسقاردى, ال 2022 جىلى ساياساتتان تولىقتاي كەتكەنٸن جارييالادى.
سوڭعى جىلدارى شەتەلدٸك باق-تا نازارباەۆتىڭ وتباسىنا تيەسٸلٸ دەلٸنگەن قىمبات ٷيلەر مەن اكتيۆتەر تۋرالى ماتەريالدار جيٸ جارييالانىپ كەلەدٸ. الايدا قازاقستاننىڭ رەسمي ورگاندارى مۇنداي مٷلٸكتەرگە قاتىستى تەكسەرۋدٸ ناقتى دەلەل بولعان جاعدايدا عانا جٷرگٸزۋگە دايىن ەكەنٸن ايتادى.
