ارتتاعى ماشينالاردا قالمىرزاەۆ, ماشكەۆيچ, تاعى باسقالارى كەلە جاتقان. پرەزيدەنتپەن سٶيلەسٸپ كەلەمٸز. مەنٸ تولقىتقان باعاناعى ەڭگٸمە.
راس, ەلباسى دا ادام بالاسى عوي. ونىڭ دا تۋىستارى, دوستارى بار. ولاردى ۇمىتىپ, مٷلدەم ارالاسپاۋعا, ساناسپاۋعا بولمايدى. ەرٸ قازاققا باۋىرمالدىق ceزٸمٸ جاراتىلىسىنان تەن. مۇنىڭ بارلىعى جۇمىسقا, قابىلدايتىن شەشٸمدەرگە ٶز ەسەرٸن تيگٸزەتٸنٸ انىق.
ال, قوعامنىڭ پٸكٸرٸن ەلەمەگەن جاعدايدا بۇل قارىم-قاتىناستار سىبايلاستىق اۋرۋىنا اينالۋى ەبدەن مٷمكٸن. تويتارىستى دەر كەزٸندە بەرمەسە, دەرتتٸڭ قالاي مەڭدەگەنٸن ادام بالاسى بايقاماي قالادى. مۇنى ەلەمدٸك تەجٸريبەدەن جاقسى بٸلەمٸز.
بٸر قاراساڭ سول پوگوندار مەن جۇلدىزداردا تۇرعان ەشتەڭە جوق سيياقتى. سىيعا لايىقتىسىن ماراپاتتاۋ, قىزمەتكە لايىعىن تاعايىنداۋ كەرەك تە شىعار. بٸراق ونى كٶپشٸلٸك شەشسە ەكەن. ەيتپەگەن كٷندە بip كٸسٸنٸڭ پەندەشٸلٸگٸن پايدالانعان جاقىندارى ونىڭ اتىن بٷركەنٸپ, جەكە باسىنىڭ قامىن ويلاۋمەن عانا جٷرمەسٸنە كٸم كەپٸل?
Eciمe پرەزيدەنتتٸڭ كٷيەۋبالاسى راحات ەليەۆ تٷستٸ.
سوڭعى كەزدەردە ول اتاسىمەن جاقسى قارىم-قاتىناستا ەكەنٸن العا تارتۋدى ەدەتكە اينالدىرعانعا ۇقسايدى. وسىنى ەلٸمٸزدٸڭ كٶپتەگەن اتقامٸنەرٸنەن ەستٸپ جٷردٸم.
رەسپۋبليكانىڭ قۇقىق ورگاندارىن مەنشٸكتەنٸپ, ٶزٸنٸڭ قولشوقپارى قىلعان جەنە سونىسىمەن كەسٸپكەرلەرگە قىسىم جاساپ, تابىستارىن بٶلٸسۋدٸ تالاپ ەتكەن دەيدٸ. ٸرٸ كەسٸپورىنداردىڭ اكتسييالارىن دەمەتكەن.
بەلگٸلٸ بip بانكتٸڭ جارتى اكتسيياسىن تەگٸنگە الماقشى بولعانىن ماعان بانك يەسٸ ٶز اۋزىمەن ايتقان. ونداعان ميلليون دوللار قۇنى بار دٷنيەنٸ تارتىپ الۋ ٷشٸن «پرەزيدەنتتٸڭ تٸكەلەي تاپسىرماسى» دەپ قورقىتقان.
دٶكەيدٸڭ ىعىنا جىعىلماعان جٸگٸتتٸڭ اتى Mۇحتار ەبليازوۆ بولاتىن. مۇحتار سيياقتى كٶنبەگەندەرگە تەكسەرۋدٸڭ ٷستٸنە تەكسەرۋ جٸبەرٸپ, سالىعى مەن ايىپپۇلىن ەسەلەتٸپ شات-شەلەكەيٸن شىعارعان.
كٶبٸ مۇنداي قىسىمعا شىداماي, «باستان قۇلاق ساداقا» دەپ قالاعانىن بەرٸپ تە جٸبەرگەن. راحات ونىمەن دە شەكتەلمەي, ارانى بارعان سايىن اشىلا تٷسكەن.
...
جۇرتشىلىق ەليەۆتٸڭ بۇل قىلىقتارىن پرەزيدەنتتٸڭ ٶزٸ جاساپ وتىرعانداي كٶرەدٸ. ەيتەۋٸر بip وتباسىنىڭ قالتاسى عوي دەپ پايىمدايدى ٶزدەرٸنشە.
كٷيەۋبالانىڭ ٶزٸ دە ونداي سٶزدەردٸ دوعارتپاق بىلاي تۇرسىن, قايتا جۇمباقتاپ, «ٸس-قيمىلىم كەلٸسۋلٸ» دەگەندەي, سۇق ساۋساعىن تٶبە جاققا شوشايتاتىن. ونىڭ شىن-ٶتٸرٸگٸن تەكسەرۋگە كٸمنٸڭ باتىلى بارادى. سوندىقتان سالىق پوليتسيياسى مەن كەدەنشٸلەردٸڭ كەسٸپكەر جۇرتتان جيناعان پاراسى بولسىن, اراق زاۆودتارى مەن بازارلاردان سىپىرعان «شاتىرلىق» تٶلەمدەرٸ بولسىن – بەpi دە جوعارىداعى تايقازانعا قۇيىلىپ جاتىر دەگەن پٸكٸر قالىپتاسقان.
مورالدىق جاعىنان شەنەۋنٸكتەرگە پارا الۋ ەلدەقايدا وڭايلادى. ٶيتكەنٸ «ٶزٸمە ەمەس, باستىعىما كەرەك» دەگەن سىلتاۋ تابىلدى.
كەزٸندە, «قازاقستان-2030» ستراتەگيياسىن شىعاراردا ەرجان ٶتەمباەۆ:
«بۇل قۇجاتتى كوررۋپتسييانى جويعاندا عانا ورىنداي الامىز. ول ٷشٸن پرەزيدەنت ٶزٸنەن باستاپ, ٶز تۋىس-جۇراعاتىنا قاتتى ەسكەرتۋ جاساۋى كەرەك. ولاردى بيلٸكتەن الىستاتىپ, ىقپالىن شەكتەگەن دۇرىس», – دەگەن ويىن بٶلٸسكەن ەدٸ.
ول ستراتەگييالىق جوسپارلاۋ اگەنتتٸگٸنٸڭ تٶراعاسى, مەنٸڭ ەرٸپتەسٸم بولاتىن. ستراتەگييانى پىسىقتاۋ بارىسىندا ەكەۋمٸز جيٸ كەڭەسەتٸنبٸز. بٸز «ەل ٸرگەسٸن شٸرٸتەتٸن كوررۋپتسيياعا قارسى كٷرەستٸ ic جٷزٸندە جٷرگٸزبەسە, ونىڭ زاردابى ەتەكتەن تارتىپ, جاس مەملەكەتتٸڭ بولاشاعىنا زور قاۋٸپ تۋدىرادى» دەگەن ورتاق پٸكٸردە بولدىق.
سوندا «2030» ستراتەگيياسىن جارييالاۋمەن قاتار ەلباسى ٶز جاقىندارىنا وسى جايىندا ارنايى ٷندەۋ جاساعان. وعان قوسا تۋىسقان ادامداردىڭ مەملەكەتتٸك قىزمەتتە بٸرگە ٸستەۋٸنە زاڭدى تٷردە تىيىم سالعان.
«سول سەبەپتەن ەندٸ پرەزيدەنتتٸڭ كٷيەۋبالاسى مينيسترلٸك تاقتان قۇر قالادى» دەگەن سٶزدەر ەل اۋزىندا جٷرگەن. ەسٸرەسە ر.ەليەۆتٸڭ ٶزٸ ارمانداعان مينيسترلٸكتٸڭ, نە كنب-نىڭ تٶراعالىق پورتفەلٸنە جەتە الماعانى تٸلگە تيەك ەتٸپ ايتىلاتىن.
سونىڭ ٶزٸندە, ورىنباساردىڭ كابينەتٸندە وتىرسا دا, ول ەسەسٸن جٸبەرمەگەن, تەك شەتەلدٸك ينۆەستورلارعا عانا تيٸسە الماعان – ەزٸرگە تٸسٸ باتپاعان شىعار.
قالىڭ ەلٸم, قازاعىم, قايران جۇرتىم,
ۇستاراسىز اۋزىڭا mٷcmi مۇرتىڭ.
جاقسى مەنەن جاماندى ايىرمادىڭ,
بٸرٸ قان بوپ, بٸرٸ ماي بوپ ەندٸ ەكٸ ۇرتىڭ, – دەپ اباي دانا بەكەر نالىماعان.
ال قازاقستان بيزنەسمەندەرٸ مەن بٸرقاتار ساياساتكەر ەليەۆتٸڭ «قۇربانى» بولعانى راس. ٸشٸندە ٷكٸمەت مٷشەلەرٸ, زاڭ ورىندارىنىڭ قىزمەتكەرلەرٸ دە بار. ەرٸ ول ٶزٸنٸڭ تٸكەلەي باسشىلارىمەن كەك العانداي ارپالىستى.
سالىق پوليتسيياسىندا ٸستەگەنٸندە ٶزٸنە باسشىلىق ەتكەن قارجى, كەيٸن مەملەكەتتٸك كٸرٸس مينيسترلەرٸنە, ا.پاۆلوۆ پەن ز.كەكٸمجانوۆقا قارسى قۋدالاۋ ۇيىمداستىرعانى بەلگٸلٸ. كەي كەزدە زەينوللادان «حالٸڭ قالاي?» دەپ سۇراعانىمدا, «ٶزٸڭ بٸلەسٸڭ, مىنانىڭ (ەليەۆتٸڭ) قاسىندا جاعدايىڭ وڭا ما?» – دەيتٸن.
سونان سوڭ ر.ەليەۆ ۇلتتىق قاۋٸپسٸزدٸك كوميتەتٸنە تٶراعانىڭ ورىنباسارى بوپ اۋىسقانىندا, بۇل جابىق مەكەمەنٸڭ بۇرىننان ٸستەپ كەلە جاتقان كادرلارى ونى جانى تٷرشٸگە قابىلداعانىن ەستٸدٸك.
استانادا بولعانىمدا كوميتەتتٸڭ جاڭا تٶراعاسى م.تەجينگە كٸرٸپ شىققانمىن. ماراتتىڭ ٶزگەرگەن تٷرٸ كٶزٸمە بٸردەن تٷستٸ. كابينەتٸندە ەركٸن سٶيلەسە الماي, «بايقا!» دەگەندەي, قولىمەن بۇلعاقتاتىپ, «انانىڭ (ەليەۆتٸڭ) «قۇلاقتارى» مەن ادامدارى ماڭايدا قاپتاپ جٷر» دەپ, سىبىرلاي ەسكەرتكەن.
«زامان نە بوپ بارادى – مەملەكەتتٸڭ قاۋٸپسٸزدٸگٸنە جاۋاپتى لاۋازىم يەسٸ ٶز كابينەتٸندە جەكە باسىنىڭ قاۋٸپسٸزدٸگٸن قامتاماسىز ەتە المايدى» دەگەن ويمەن جاعامدى ۇستاعانمىن سوندا.
ماقساتىنا جەتۋ ٷشٸن ر.ەليەۆ «سەمياعا» جاقىندىعىمەن قوسا «ساياسي شوقپار» رەتٸندە ٶزٸنە قاراعان اقپارات قۇرالدارىن كەڭٸنەن قولدانعان.
ۇناماعانداردى جۋرناليستەردٸڭ قولىمەن ەلگە مازاق ەتتٸ. «كاراۆان» گازەتٸندە نە «كتك» تەلەكانالىندا بٸرەۋدٸ سىناپ جاتسا, بايعۇستىڭ كٷيەۋبالاعا جاقپاعانىنىڭ بەلگٸسٸ بولاتىن. «كتك» مەنٸ دە رەپورتاجدارىندا ەۋرەلەي باستاعان. «سەندەر جاقييانوۆقا «كونكرەتنىي ناەزد» جاساي المادىڭدار» دەپ, مەنشٸكتٸ تٸلشٸسٸ مەن تەلەوپەراتورىن اۋىستىرعان. جاڭا تٸلشٸ ۆلاديمير مۋسس بٸراز ۋاقىت ٸستەگەن سوڭ, شىداماي, شىندىعىن ايتتى: «الماتىدان رەداكتورىم تەلەفون شالىپ, ەكٸمنٸڭ ٷستٸنە «چەرنۋحا» سۇراپ كٷندە توقپاقتايدى. باسىندا جٸبەرٸپ تۇرعانمىن. جاسىراتىنى جوق, وبلىستىڭ جاعدايى مەن ەكٸمدٸ جامانداپ, ويدان شىعارعان سيۋجەتتەردٸ دە بەردٸم. ودان ارىعا دەتٸم بارمادى» …
كتك-نىڭ شابۋىلىن «كاراۆان» قوستاعان. مەنٸڭ كٶزقاراسىممەن ساناسپاعان, جاۋاپتارىمدى جارييا ەتپەگەن, قايداعى-جايداعىنى تاسىرلاتا جازعان. قارلىعاش ەكەۋمٸزدٸ «اجىراسىپ جاتىر» دەگەن ٶسەككە دەيٸن بارعان.
«مەسەلەنٸ شەشكٸسٸ كەلسە, راحاتقا ٶزٸ شىقسىن» دەپ, بٸرەۋلەر ماعان سەلەم ايتىپ جاتسا دا, قۇلاق اسپادىم. نامىسىمدى قورلاپ, كٸشٸرەيگٸم كەلمەدٸ.
«بٷگٸن ساۋساعىڭدى بەرسەڭ, ەرتەڭ قولىڭدى جۇتادى» دەمەكشٸ, وسالدىقتان ساقتانعان ەرەكەتٸم ەدٸ. شىتىناپ-شاتىناعان اراقاتىناسىمىز ودان ارى شيەلەنٸسە بەردٸ. مۇندايدا ەدٸلدٸكتٸ كٸمنەن ٸزدەرسٸڭ?
پايدالانعان تەحنولوگييالارى بەلگٸلٸ, قيت ەتسە, «مەنٸڭ شارۋام شامالى, تەۋەلسٸز اقپارات قۇرالدارىندا ٸستەيتٸن جۋرناليستەردٸڭ اۋزىن جابا المايسىڭ عوي» دەپ, «زاكازچيك» قوجايىن سٶز بوستاندىعىن بٷركەنٸپ شىعا كەلەدٸ.
ەليەۆكە قارسىلاسقاننىڭ ارىزدانىپ بارار جەرٸ, باسار تاۋى جوق, ەسەسٸن قايتاراتىن اشىق مايدان الاڭى جوق. رەسپۋبليكالىك تەلەەفير ەرلٸ-زايىپتىلاردىڭ قولىندا شوعىرلانعان. بۇل ادامنىڭ قول-اياعىن بايلاپ قويىپ ساباعانمەن تەڭ. بارىپ تۇرعان اقپاراتتىق تەررور.
سول كەزدە ەلەكتروندىق اقپارات قۇرالدارىنىڭ بip تٷرٸ – ينتەرنەت گازەتتەر شىعا باستادى. وندا كٶبٸندە وپپوزيتسييانىڭ جازعاندارى باسىلاتىن. اراسىندا بەلگٸلٸ «ەۆرازييا» سايتىنا ۇقساس «ازيوپا» دەگەنٸ پايدا بولعان. بيلٸكتٸ قاتتى سىناعانىمەن, ساياساتتان حابارى بار جۇرت ونىڭ ناقتى وپپوزيتسييالىق قۇرالدارعا جاتپايتىنىن بٸردەن تٷسٸندٸ. مازاقى اتى سيياقتى باسقا دا كەلٸسپەۋشٸلٸكتەرٸن اڭعارعان.
مىسالى, پرەزيدەنتتٸڭ ٶزٸنەن باستاپ سەمياسىن, بيلٸك باسىنداعى شەنەۋنٸكتەردٸ تٷگٸن قالدىرماي جازعان «ازيوپا» ر.ەليەۆكە كەلگەندە جۋاس مٸنەز تانىتادى. باسقالارىنا بۇيىرعان ٶتكٸر سٶزدەردٸڭ ورنىنا «تەرتٸپ ورناتاتىن مىقتى گەنەرال» دەپ قانا «سىنايدى».
بۇل جايىندا قاۋٸپسٸزدٸك كەڭەسٸنٸڭ حاتشىسى قىزمەتٸنە تاعايىندالعان التىنبەك سەرسەنباەۆتان سۇراعانىمدا, ول دا كٷمەندٸ ەكەنٸن جاسىرمادى: «ەسٸرەسە ۇقك (كنب) جەتەكشٸلەرٸ عانا بٸلەتٸن جابىق اقپاراتتىڭ جارييالانۋى بۇل سايتتىڭ ارتىندا كٸم تۇرعانىن بايقاتادى. مىسالى, كوميتەتتٸڭ جاسىرىن اگەنتتەرٸنٸڭ ەسٸمٸن ينتەرنەتتٸڭ كاراپايىم اۆتورى قايدان بٸلەدٸ?».
تاعى بip ەلەڭ ەتكٸزگەن جايت, ەليەۆتٸڭ ٶزٸ دە, ىقپالىنداعى اقپارات قۇرالدارى دا, بۇرمالانعان يدەولوگييانى ناسيحاتتاۋى.
«قازاقستاننىڭ دەموكراتيياعا جەتۋٸ ەكٸتالاي. ازيات بولعانىمىزدان دەموكراتيياعا يكەمسٸزبٸز» دەگەن سيياقتى مەملەكەتٸمٸزگە تٷبٸندە ابىروي ەپەرمەيتٸن جات سٶزدەردٸ ازاماتتارىمىزدىڭ قۇلاعىنا قۇيا باستادى. مۇنداي جابايى ۇعىمنىڭ استارىندا نە جاتقانىن سەزۋ ٷشٸن وقىمىستى بولۋدىڭ قاجەتٸ جوق. اناداي قىزمەتتەگٸ ادامنىڭ ٶز حالقى تۋرالى سونشاما تۇرپايى پٸكٸرٸ ٶرەسكەلدٸگٸمەن كٶزدٸ شۇقىعان.
«دەموكراتيياعا, ياعني ٶزٸن-ٶزٸ باسقارۋعا ساناسى جەتپەگەن ەلدٸ بٸز بيلەي تۇرايىق» دەگەن ماعىناداعى پٸكٸرٸ ەليەۆتٸڭ ەندٸگٸ ماقساتىن, ونىڭ ەلدەگٸ ەڭ بيٸك قىزمەتكە ۇمتىلعانىن ايقىندادى.
جاڭبىرشا جاۋعان سۇحباتتارىنىڭ بٸرٸندە ٶزٸن فرانتسييانىڭ بۇرىنعى پرەزيدەنتٸ شارل دە گوللگە جاقىنداتىپ قويعان («ول دا مەن سيياقتى گەنەرال بولعان» دەگەن ماعىنادا). ر.ەليەۆتٸڭ مۇنداي ٶرەسكەل ەرەكەتتەرٸ قوعامدى ەرەكشە الاڭداتتى.
ال ونىڭ ساياسي ٸس-قيمىلدارى ەلٸمٸزدٸڭ دامۋىنا نۇقسان كەلتٸرٸپ, مەملەكەتٸمٸزگە, ن.نازارباەۆتىڭ ٶز باسىنا قاۋٸپ-قاتەر تٶندٸرەتٸن دەڭگەيگە جەتتٸ.
...
2001 جىلدىڭ جازىنداعى پرەزيدەنت ن.نازارباەۆتىڭ پاۆلودارعا ساپارى كەزٸندە مەنٸ تولعاندىرعان ويلار وسى ەدٸ. «نە ٸستەۋٸم كەرەك» دەگەن سۇراق مەنٸ قاجىتا تٷسكەن.
تەرەڭٸرەك قاراساق, ەڭگٸمە مەملەكەتٸمٸزدٸڭ دامۋ جولى, ەلٸمٸزدٸڭ بولاشاعى, بالالارىمىزدىڭ كەلەشەگٸ جايلى ەدٸ. بٸز بٸرقالىپتى ٶمٸر سٷرەتٸن, حالىقتىڭ مۇڭ-مۇقتاجىنا قۇلاق تٷرەتٸن دەموكراتييالىق مەملەكەت قۇرا الامىز با نەمەسە ٶزٸمٸزدٸڭ «ازييالىق» ەرەكشە جولىمىزدى ٸزدەستٸرەمٸز بە? بۇل جٶنٸندە تٷن ۇيقىمىزدى تٶرت بٶلەتٸن, جاتپاي-تۇرماي قارماناتىن, جۇرتشىلىقتىڭ ساناسىنا ساڭىلاۋ تٷسٸرەتٸن كەز كەلٸپتٸ.
ەڭ جوعارىدان باستاپ اينالدىرعان دەرتتٸ ەمدەيتٸن بٸر عانا جولى بار – اششى بولسا دا, بەت-جٷزگە قاراماي شىندىقتى باتىل ايتۋ.
تٸس جارماي, قاسىندا جٷرە بەرسەڭ, پرەزيدەنت ەرتەڭگٸ كٷنٸ: «قاۋٸپتٸ كەزەڭدە ٷندەمەي قالعاندارىڭ قالاي» – دەپ سۇراۋى مٷمكٸن.
ەكٸنشٸ جاعىنان: «ٸس جٷزٸندە بۇل قالاي بولار ەكەن? دۇرىس تٷسٸنە مە? ەلباسىنا اقيقاتتى جەتكٸزەمٸن دەپ, جەكە وتباسىنداعى جاعدايعا كٸرٸسكەن جەكسۇرىنداي كٶرٸنبەيمٸن بە?» – دەگەن وي دا بۇل نيەتٸمٸزدٸ تەجەي تٷستٸ.
سٶيتٸپ ەكٸويلى بولدىم. اياعىندا, سالىستىرا-ساراپتاي كەلە, «جوق, سٶزٸمدٸ دۇرىس قابىلدايتىن تٷرٸ جوق, بۇل جولى قويا تۇرايىن» دەگەنگە توقتاعانمىن.
ارادا ٷش اي ٶتكەندە وسىنىڭ بەرٸن پرەزيدەنتكە ايتقانىمدا: «دەلەلدەرٸڭ بار ما? ەلدە راحاتتى جامانداۋ ٷشٸن عانا ايتقان سٶزدەرٸڭ بە?» – دەپ كٷمەندانعان.
كٷيەۋبالاسى الدىن الا قايراپ قويعانعا ۇقسايدى. «بولادى!» دەدٸم. «شەشٸنگەن سۋدان تايىنباس, عالىمجان, سەنٸڭ كەرٸ شەگٸنەر جەرٸڭ جوق, ەندٸگٸ سٶز جاي ٶسەك بوپ شىقپاسىن», – دەپ ٸشتەي تٸستەندٸم. بيلٸك باسىنداعى باسقا جٸگٸتتەردٸڭ كٶمەگٸمەن كەرەكتٸ قۇجاتتار بip اي ٸشٸندە جينالدى.
ەلباسىمەن بولعان كەلەسٸ ەڭگٸمەمٸز ودان ەرٸ كٷردەلەنە تٷستٸ.
«ساعان ٶزٸ نە كەرەك» دەگەن سۇراعى بٸز سۇققانداي ەسەر ەتسە دە, ٶزٸمدٸ ٶزٸم سابىرعا شاقىردىم.
«كٷيەۋبالاڭىزدى بيلٸكتەن الاستاتىڭىز. نە سٸزگە, نە eلiمiزگe تىنىشتىق, بەرەكە ەكەلمەيدٸ ول. بابالارىمىزدىڭ «كٷل تٶبە بولماس, كٷيەۋبالا ۇل بولماس» دەگەن ٶسيەتٸن ۇمىتپاڭىز, نۇرسۇلتان ەبٸشەۆيچ. مەسەلە تىم ۋشىعىپ كەتتٸ, قوعام قاتتى الاڭداۋلى. بٸراق بۇل ٸس راحات مەسەلەسٸمەن شەكتەلمەيدٸ. ونى شەشۋ ٷشٸن ساياسي رەفورمالاردى جٷرگٸزۋ كەرەك. باياعىدان ايتىپ كەلە جاتقان ەكٸمدەردٸڭ سايلانۋى سيياقتى دەموكراتييالىق قادامدار ەلٸمٸزگە اۋاداي قاجەت. سٸزدەن تٸلەگەنٸمٸز – وسى. سٸزگە دە كەرەگٸ – وسى, نۇرسۇلتان ەبٸشەۆيچ! قازاقستاننىڭ تۇڭعىش پرەزيدەنتٸنٸڭ ەسٸمٸ ەلٸمٸزدٸڭ تاريحىندا كٶرەگەن ادام رەتٸندە قالعانى بٸز ٷشٸن دە, بولاشاقتاعى ۇرپاقتارىمىز ٷشٸن دە قاجەت!» – دەدٸم
عالىمجان جاقييانوۆتىڭ «ٶمٸر بەلەستەرٸ» ەڭبەگٸنەن ٷزٸندٸ.
جالعاسى بار.
