شۆەيتسارييالىق ەۋە ۇشاعىنىڭ الماتىعا نە ٷشٸن شۇعىل قونعانى بەلگٸلٸ بولدى, دەپ حابارلايدى dalanews.kz.
الدىن الا مەلٸمەت بويىنشا, ۇشاقتاعى ەكٸنشٸ پيلوتتىڭ دەنساۋلىعى اياق استىنان سىر بەرگەن. ونىڭ ٸشٸ قاتتى اۋىرىپ, جاعدايى ناشارلاعاننان كەيٸن ەكيپاج دابىل بەلگٸسٸن بەرگەن.
وقيعا قاراعاندى وبلىسىنىڭ ٷستٸندە, ۇشاق شامامەن 11,6 مىڭ مەتر بيٸكتٸكتە ۇشىپ بارا جاتقان كەزدە بولعان. وسىدان كەيٸن ەكيپاج باعىتتى ٶزگەرتٸپ, الماتى ەۋەجايىنا شۇعىل قونۋ تۋرالى شەشٸم قابىلداعان.
ۇشاق جەرگە قونعان سەتتە ەۋەجايدا دەرٸگەرلەر دايىن تۇرعان. پيلوتقا العاشقى مەديتسينالىق كٶمەك كٶرسەتٸلٸپ, كەيٸن جەدەل جەردەم كٶلٸگٸمەن الماتىداعى №4 قالالىق اۋرۋحاناعا جەتكٸزٸلگەن.
ايتا كەتەيٸك, بۇعان دەيٸن شۆەيتسارييانىڭ SWISS ەۋە كومپانيياسىنا تيەسٸلٸ جولاۋشىلار ۇشاعى قازاقستان اۋماعىندا دابىل بەلگٸسٸن بەرٸپ, الماتى ەۋەجايىنا شۇعىل قونعانى تۋرالى جازعان ەدٸك. Airbus A350 ۇشاعى سەۋل قالاسىنان تسيۋريحكە باعىت العان. الايدا قاراعاندى وبلىسىنىڭ ٷستٸمەن ۇشىپ بارا جاتقان كەزدە ەكيپاج Squawk 7700 كودىن جٸبەرگەن.
