Shveitsariialyq áýe ushaǵynyń Almatyǵa ne úshin shuǵyl qonǵany belgili boldy, dep habarlaidy dalanews.kz.
Aldyn ala málimet boiynsha, ushaqtaǵy ekinshi pilottyń densaýlyǵy aiaq astynan syr bergen. Onyń ishi qatty aýyryp, jaǵdaiy nasharlaǵannan keiin ekipaj dabyl belgisin bergen.
Oqiǵa Qaraǵandy oblysynyń ústinde, ushaq shamamen 11,6 myń metr biiktikte ushyp bara jatqan kezde bolǵan. Osydan keiin ekipaj baǵytty ózgertip, Almaty áýejaiyna shuǵyl qoný týraly sheshim qabyldaǵan.
Ushaq jerge qonǵan sátte áýejaida dárigerler daiyn turǵan. Pilotqa alǵashqy meditsinalyq kómek kórsetilip, keiin jedel járdem kóligimen Almatydaǵy №4 qalalyq aýrýhanaǵa jetkizilgen.
Aita keteiik, buǵan deiin Shveitsariianyń SWISS áýe kompaniiasyna tiesili jolaýshylar ushaǵy Qazaqstan aýmaǵynda dabyl belgisin berip, Almaty áýejaiyna shuǵyl qonǵany týraly jazǵan edik. Airbus A350 ushaǵy Seýl qalasynan Tsiýrihke baǵyt alǵan. Alaida Qaraǵandy oblysynyń ústimen ushyp bara jatqan kezde ekipaj Squawk 7700 kodyn jibergen.
