حالىقارالىق ۆاليۋتا قورىنىڭ (حۆق) جاڭارتىلعان بولجامىنا سەيكەس, 2031 جىلى قازاقستانداعى جان باسىنا شاققانداعى جالپى ٸشكٸ ٶنٸم (جٸٶ) 23,17 مىڭ دوللارعا جەتەدٸ. بۇل كٶرسەتكٸش بالتىق ەلدەرٸن ەسەپتەمەگەندە, پوستكەڭەستٸك كەڭٸستٸكتەگٸ ەڭ جوعارى دەڭگەي بولماق, دەپ حابارلايدى dalanews.kz.
حۆق دەرەگٸنشە, 2025 جىلدىڭ قورىتىندىسىندا قازاقستاندا جان باسىنا شاققانداعى جٸٶ 15 مىڭ دوللاردان استى. ال 2026 جىلى بۇل كٶرسەتكٸش 17,5 مىڭ دوللارعا, 2027 جىلى – 18,55 مىڭ دوللارعا جەتەدٸ دەپ كٷتٸلەدٸ.
سونداي-اق:
– 2028 جىلى – 19,54 مىڭ دوللار,
– 2029 جىلى – 20,69 مىڭ دوللار,
– 2030 جىلى – 21,87 مىڭ دوللار بولادى دەگەن بولجام بار.
قور بولجامىنا سەيكەس, 2027 جىلى قازاقستان جان باسىنا شاققانداعى جٸٶ كٶلەمٸ بويىنشا رەسەيدەن وزادى. رەسەيدە بۇل كٶرسەتكٸش 17,71 مىڭ دوللار دەڭگەيٸندە بولادى دەپ كٷتٸلٸپ وتىر.
جالپى العاندا, الداعى بەس جىلدا قازاقستانداعى جان باسىنا شاققانداعى جٸٶ 32,4%-عا ٶسەدٸ دەگەن بولجام جاسالعان.
پوستكەڭەستٸك ەلدەر اراسىنداعى ەڭ جوعارى ٶسٸم مولدوۆادا تٸركەلۋٸ مٷمكٸن. وندا 2026 جىلعى 9,35 مىڭ دوللارلىق كٶرسەتكٸش 2031 جىلى 15,33 مىڭ دوللارعا دەيٸن ٶسٸپ, 63,9%-دىق ٶسٸم كٶرسەتەدٸ.
ال ەڭ تٶمەنگٸ كٶرسەتكٸش تەجٸكستاندا بولادى دەپ بولجانىپ وتىر. 2031 جىلى بۇل ەلدەگٸ جان باسىنا شاققانداعى جٸٶ نەبەرٸ 2,43 مىڭ دوللاردى قۇراۋى مٷمكٸن.
2031 جىلعا دەيٸنگٸ بولجام بويىنشا ٶزگە ەلدەردەگٸ ٶسٸم:
– گرۋزييا – 58,6%,
– ٶزبەكستان – 51,5%,
– ارمەنييا – 39,3%,
– تٷرٸكمەنستان – 31,38%,
– ەزەربايجان – 28,1%,
– ۋكراينا – 25,5%,
– قىرعىزستان – 24,1%.
ال رەسەيدە جان باسىنا شاققانداعى جٸٶ كٶرسەتكٸشٸ بەس جىل ٸشٸندە 0,27%-عا تٶمەندەيدٸ دەگەن بولجام جاسالعان.
