الماتى وبلىسىنداعى جاڭارۋ كۇنىندە ۇيىمداستىرىلعان سەنبىلىككە وبلىس بويىنشا 30 500 ادام قاتىسىپ، 210 تەحنيكا جۇمىلدىرىلدى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
جينالعان قوقىس مولشەرى 980 توننانى قۇرادى، ونىڭ 6 تونناسى قايتا وڭدەۋگە جىبەرىلدى. سانيتارلىق تازالاۋعا جاتاتىن اۋماقتىڭ اۋدانى 1 150 گەكتاردى قۇرادى.
– قونايەۆ قالاسى وبلىسىمىزدىڭ ورتالىعى بولعاندىقتان اباتتاندىرۋ مەن كوگالداندىرۋ جۇمىستارىنا ءاردايىم ۇلكەن كوڭىل بولەمىز. پرەزيدەنتىمىز قاسىم-جومارت توقايەۆتىڭ ۇسىنىسىمەن «ناۋرىزناما» ونكۇندىگى جاريالانعان. «جاڭارۋ كۇنى» سەنبىلىككە شىعىپ، اعاش وتىرعىزۋدى ءجون سانادىق جانە ءوڭىردىڭ ەلدى مەكەندەرىندە دە وسى يگى شارا جالعاسىن تابۋدا. الماتى وبلىسىنىڭ تابيعاتىن ايالاپ، ودان ءارى كوركەيتۋ ءاربىر ازاماتىمىزدىڭ بورىشى. 2024 جىلى 10 مىڭ بىرلىك جاسىل جەلەك وتىرعىزۋ جوسپارلانعان، – دەدى ءوڭىر باسشىسى مارات سۇلتانعازييەۆ.
الماتى وبلىسىندا سەنبىلىككە 25545 ادام قاتىسىپ، 15850 ءتۇپ اعاش وتىرعىزىلدى.
ولاردىڭ ىشىندە؛
- بالقاش اۋدانى 1800 ادام قاتىسىپ 900 ءتۇپ اعاش
- ەڭبەكشىقازاق اۋدانى 7600 ادام قاتىسىپ 5300 ءتۇپ اعاش
- جامبىل اۋدانى 7748 ادام قاتىسىپ 300 ءتۇپ اعاش
- ىلە اۋدانى 3830 ادام قاتىسىپ 420 ءتۇپ اعاش
- قاراساي اۋدانى 800 ادام قاتىسىپ 330 ءتۇپ اعاش
- تالعار اۋدانى 1250 ادام قاتىسىپ 5900 ءتۇپ اعاش
- ۇيعىر اۋدانى 920 ادام قاتىسىپ 2200 ءتۇپ اعاش
- قونايەۆ قالاسى 1200 ادام قاتىسىپ 500 ءتۇپ اعاش ەكتى.
ناۋرىز ايىندا ەل اۋماعىندا وتىرعىزاتىن جاڭا كوشەتتەر ءتارىزدى بۇل كۇندەرى قوعامدىق مادەنيەتكە ناۋرىزدىڭ جاڭا داستۇرلەرى سىڭىرىلەدى. وتىرعىزىلعان كوشەتتەر ءونىپ شىعىپ، اعاشتار جەمىس بەرگەنى سياقتى جاڭا يدەيالار مەن قۇندىلىقتار ءوز جەمىسىن بەرىپ، قوعامىمىزدى نىعايتىپ، وركەندەۋگە جەتەلەيدى.
