Almaty oblysyndaǵy Jańarý kúninde uiymdastyrylǵan senbilikke oblys boiynsha 30 500 adam qatysyp, 210 tehnika jumyldyryldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Jinalǵan qoqys mólsheri 980 tonnany qurady, onyń 6 tonnasy qaita óńdeýge jiberildi. Sanitarlyq tazalaýǵa jatatyn aýmaqtyń aýdany 1 150 gektardy qurady.
– Qonaev qalasy oblysymyzdyń ortalyǵy bolǵandyqtan abattandyrý men kógaldandyrý jumystaryna árdaiym úlken kóńil bólemiz. Prezidentimiz Qasym-Jomart Toqaevtyń usynysymen «Naýryznama» onkúndigi jariialanǵan. «Jańarý kúni» senbilikke shyǵyp, aǵash otyrǵyzýdy jón sanadyq jáne óńirdiń eldi mekenderinde de osy igi shara jalǵasyn tabýda. Almaty oblysynyń tabiǵatyn aialap, odan ári kórkeitý árbir azamatymyzdyń boryshy. 2024 jyly 10 myń birlik jasyl jelek otyrǵyzý josparlanǵan, – dedi óńir basshysy Marat Sultanǵaziev.
Olardyń ishinde;
- Balqash aýdany 1800 adam qatysyp 900 túp aǵash
- Eńbekshiqazaq aýdany 7600 adam qatysyp 5300 túp aǵash
- Jambyl aýdany 7748 adam qatysyp 300 túp aǵash
- Ile aýdany 3830 adam qatysyp 420 túp aǵash
- Qarasai aýdany 800 adam qatysyp 330 túp aǵash
- Talǵar aýdany 1250 adam qatysyp 5900 túp aǵash
- Uiǵyr aýdany 920 adam qatysyp 2200 túp aǵash
- Qonaev qalasy 1200 adam qatysyp 500 túp aǵash ekti.
Naýryz aiynda el aýmaǵynda otyrǵyzatyn jańa kóshetter tárizdi bul kúnderi qoǵamdyq mádenietke Naýryzdyń jańa dástúrleri sińiriledi. Otyrǵyzylǵan kóshetter ónip shyǵyp, aǵashtar jemis bergeni siiaqty jańa ideialar men qundylyqtar óz jemisin berip, qoǵamymyzdy nyǵaityp, órkendeýge jeteleidi.
