ناۋرىز – ٸزگٸلٸك پەن يگٸلٸكتٸڭ مەرەكەسٸ
ۇلىستىڭ ۇلى كٷنٸندە جاسالاتىن ۇلتتىق ەدەت-عۇرىپتاردىڭ ۇرپاققا بەرەر تەربيەسٸ مەن تاعىلىمى مول. اسىل دٸنٸمٸزبەن ٷيلەسكەن ۇلتتىق مەرەكەمٸز ادامزات بالاسىن باۋىرمالدىق پەن تاتۋلىققا, مەيٸرباندىق پەن دوستىققا ٷندەيدٸ.
جاسقا جاقسىلىق تٸلەۋ – جاسامىستىڭ مىزعىماس مٸندەتٸ. ٷمبەتەي جىراۋ: «اقساقالعا جاراسار, تٸلەۋقورلىق ايلاسى», – دەپ جىرلايدى. مەرەيلٸ مەرەكە كٷندەرٸ ابىز اقساقال مەن باتاگٶي قارييانىڭ: «كٶسەگەڭ كٶگەرسٸن», «جاسىڭ ۇزاق بولسىن», «قاتارىڭنىڭ الدى بول», – دەگەن باتا-تٸلەگٸن العان بالا «ۇيادا نە كٶرسە, ۇشقاندا سونى ٸلەتٸن» بولادى. بالاعا باتا بەرۋ, ول ٷشٸن جاراتقاننان جارىلقاۋ تٸلەۋ – پايعامبارلار زامانىنان بەرٸ كەلە جاتقان ساۋابى مول سٷننەت امال.
اق سامايلى دۇعاگٶي ەجەلەردٸڭ تٷرلٸ دەن-داقىلدان جاساعان ناۋرىز كٶجەسٸ – مەرەكەنٸڭ مەنٸن كەلتٸرەتٸن نىشان. شىن كٶڭٸل, شىنايى نيەتپەن جاسالعان اس ادامدار اراسىندا مەيٸرٸمدٸلٸك پەن كەشٸرٸمدٸلٸك سىندى اسىل قاسيەتتەردٸ قالىپتاستىرادى. ساداقانىڭ ابزالى – حالىققا اس بەرۋ.
كٶكپار تارتىپ, جامبى اتۋ, ات شاپتىرىپ, بالۋان كٷرەستٸرۋ – ناۋرىز مەرەكەسٸنٸڭ سەنٸن ارتتىراتىن يگٸ شارالار. پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن) بالانى اتقا مٸنگٸزٸپ, ساداق اتۋعا, سۋدا جٷزۋدٸ ٷيرەتٸپ, كٷرەستٸرۋدٸ ٶسيەت ەتكەن. ٶسكەلەڭ ۇرپاقتى باتىرلىق پەن باتىلدىققا تەربيەلەيتٸن ۇلتتىق سپورتتىق ويىندارىمىز اللا ەلشٸسٸنٸڭ سٷننەتٸمەن ٷندەسٸپ, كٶركەم ٷيلەسٸم تاپقان.
بٸز «بٸر تال كەسسەڭ, ون تال ەك» دەگەن ماقالدى تٸرشٸلٸكتٸڭ قاعيداسىنا اينالدىرعان حالىقپىز. ٷلكەننەن ٷلگٸ بولىپ, ۇرپاققا جالعاسقان ٶنەگەلٸ ٶمٸرلٸك داعدىلارىمىزدىڭ بٸرٸ – اتا مەن بالانىڭ اعاش وتىرعىزۋى. ناۋرىزدا كٶرٸنٸس تاباتىن وسىناۋ يگٸ امالدىڭ مەنٸ ەرەكشە. «قييامەت بولارىن بٸلٸپ تۇرساڭ دا قولىڭداعى بٸر تٷپ اعاشتى وتىرعىزىپ قال», – دەگەن حاديستٸڭ تەربيەلٸك ماعىناسى تەرەڭدە جاتىر.
ناۋرىز مەرەكەسٸندە كٶرشٸ-قولاڭ, قۇدا-جەكجات, اعايىن-تۋىستى ارالاپ, امان-ساۋلىق سۇراسىپ, مەرە-سەرە كٷي كەشەمٸز. ەر كٸسٸلەر تٶس قاعىستىرىپ, بٸر-بٸرٸمٸزگە ٸزگٸ تٸلەكتەرٸمٸزدٸ ايتامىز. رەنجٸسكەندەر تاتۋلاسىپ, كەشٸرٸم جولىن ۇستانادى. تۋىسقاندى زييارات ەتۋ, كەشٸرٸم جاساپ, مەيٸرباندىق تانىتۋ – پايعامبار سٷننەتٸنەن. «كٶرشٸ اقىسى – تەڭٸر اقىسى», «ارالاسپاسا اعايىن جات», – دەگەن ناقىل بار. قاسيەتتٸ قۇران مەن حاديس اعايىنعا قارايلاسىپ, كٶرشٸنٸڭ اقىسىن بەرۋدٸ, كەشٸرٸم جاساۋدى تالاپ ەتەدٸ.
ناۋرىز – قايىرىمدىلىقتىڭ مەرەكەسٸ. بۇل كٷندەرٸ حالقىمىز جەتٸم مەن جەسٸردٸ جابىرقاپ, كەمباعال مەن مٷگەدەككە قايىرىمدىلىق كٶرسەتكەن. جۇتقا ۇشىراعان جاندارعا جۇمىلىپ, جىلۋ جيناپ بەرگەن.
بٷگٸندە ەلٸمٸزدٸڭ شىعىس ايماعىندا سۋ تاسقىنىنان ٷيسٸز-كٷيسٸز قالعان باۋىرلارىمىزعا بارىنشا قولداۋ كٶرسەتٸپ, اتا-بابا دەستٷرٸنەن جاڭىلماي, مۇسىلماندىق ەرٸ ازاماتتىق مٸندەتٸن اتقارىپ جاتقان اعايىنعا اللا رازى بولسىن دەگٸم كەلەدٸ. وسىناۋ ورتاق ساۋاپتى ٸستە دٸن قىزمەتكەرلەرٸ دە بەلسەندٸلٸك تانىتۋدا.
قادٸرلٸ باۋىرلار! بارشاڭىزدى ۇلتىمىزدىڭ ۇلىق مەيرامى – ناۋرىز مەرەكەسٸمەن قۇتتىقتايمىن! كٷللٸ تٷركٸ جۇرتىنىڭ تٶل تويى – ەز ناۋرىز ەلٸمٸزدەگٸ تٷرلٸ ۇلتتى ۇيىمشىلدىققا ۇيىستىرىپ, كەشٸرٸم مەن مەيٸرٸمنٸڭ مەرەكەسٸنە اينالىپ كەلەدٸ.
دوستىق پەن تاتۋلىقتىڭ, باۋىرمالدىقتىڭ, يگٸلٸك ھەم بٸرلٸكتٸڭ, ٸزگٸلٸك پەن ٸزەتتٸلٸكتٸڭ مەيرامى قۇتتى بولسىن! ۇلىس وڭ بولسىن, اق مول بولسىن!
اللا تاعالا حالقىمىزعا ەرقاشان اماندىق, جۇرتىمىزعا تىنىشتىق نەسٸپ ەتكەي! تەۋەلسٸزدٸگٸمٸز باياندى بولعاي!
بارشاڭىزعا جاراتقاننىڭ ٶزٸ جار بولعاي! ەمين!
سەرٸكباي قاجى وراز, قازاقستان مۇسىلماندارى دٸني باسقارماسىنىڭ تٶراعاسى, باس مٷفتي
