قازاقستاندا ۋتيليزاتسييا الىمىن تٶمەندەتۋ مەسەلەسٸ كٷن تەرتٸبٸندە تۇرماعانىن قر ٶنەركەسٸپ جەنە قۇرىلىس مينيسترلٸگٸنٸڭ باسپاسٶز قىزمەتٸ مەلٸمدەدٸ, – دەپ حابارلايدى Dalanews.kz.
– قازٸر الىم مٶلشەرٸن ارزانداتۋ قاراستىرىلىپ جاتقان جوق. شەتەلدٸك اۆتوكٶلٸكتەردٸ تٸركەۋ كەزٸندە الىناتىن تٶلەم بويىنشا تيٸستٸ شارالار تەحنيكالىق رەگلامەنت تالاپتارىنا ساي كەلمەيتٸن كٶلٸك قۇرالدارىن ەكەلۋدٸ شەكتەۋ ٷشٸن عانا ەمەس, وتاندىق اۆتوٶندٸرٸستٸ دامىتۋعا قارجى جٸبەرۋ ماقساتىندا ەنگٸزٸلدٸ, – دەگەن مينيسترلٸك استاناداعى ۋتيليزاتسييا الىمىنا قارسى ادامدارمەن كەزدەسۋ قورىتىندىسى جٶنٸندەگٸ حابارلاماسىندا.
مينيسترلٸك الىم بويىنشا قابىلدانعان شارالار وتاندىق اۆتوكٶلٸك ٶندٸرٸسٸ مەن قالدىقتاردى باسقارۋ جٶنٸندەگٸ ٸشكٸ ينفراقۇرىلىمدا بەسەكەنٸ جاقسارتۋدى كٶزدەيدٸ دەيدٸ.
– اتالعان مەسەلەلەرگە تيٸستٸ مەملەكەتتٸك ورگانداردى تارتا وتىرىپ, بارلىق كەرەك قۇجاتتى كٶرسەتٸپ شەشۋ كەرەك, – دەگەن مينيسترلٸك.
4 ناۋرىزدا تٷرلٸ ٶڭٸردەن جينالعان بٸر توپ ادام ۋتيليزاتسييا الىمىن جويۋدى تالاپ ەتٸپ استاناعا بارعانىن حابارلادى. نارازى توپ ٶنەركەسٸپ جەنە قۇرىلىس مينيسترلٸگٸ ٶكٸلدەرٸمەن كەزدەسۋگە, ولارعا ٶز ۇسىنىستارىن ايتىپ, العاشقى تٸركەۋ كەزٸندەگٸ تٶلەم جەنە ۋتيليزاتسييا الىمىن جويۋ تالابىن جەتكٸزۋگە نيەتتٸ ەكەنٸن مەلٸمدەدٸ.
ولاردىڭ سٶزٸنشە, 2016 جىلى قازاقستاندا العاشقى تٸركەۋ كەزٸندەگٸ تٶلەم ەنگٸزٸلگەن سوڭ كٶلٸكتەردٸڭ ورتاشا پايدالانۋ مەرزٸمٸ 20 جىلدان 24 جىلعا دەيٸن ٶسكەن.
2024 جىلدىڭ باسىنان بەرٸ قازاقستاننىڭ بٸرنەشە ٶڭٸرٸندە ۋتيليزاتسييا الىمىن ارزانداتۋدى تالاپ ەتكەندەر پرەزيدەنت قاسىم-جومارت توقاەۆقا ٷندەۋ جاسادى.
اقپان ايىندا ورال قالاسىندا شامامەن 70 ادام حالىققا قىزمەت كٶرسەتۋ ورتالىعى ماڭىنا جينالىپ, ۋتيليزاتسييا الىمىن 200 مىڭ تەڭگەگە دەيٸن ازايتۋدى تالاپ ەتتٸ. وعان دەيٸن اقتٶبەدە ٷش جٷزدەي ادام شەتەلدەن ەكەلٸنگەن كٶلٸكتەردٸڭ العاشقى تٸركەۋٸنە تٶلەنەتٸن اقشا مٶلشەرٸن جەنە ۋتيليزاتسييا الىمىن ازايتۋدى تالاپ ەتٸپ, بيلٸكتٸڭ كەلٸسٸمٸ بويىنشا ميتينگ ٶتكٸزدٸ.
2015 جىلى قازاقستاندا جاڭادان قۇرىلعان "وپەراتور روپ" كومپانيياسى جارامسىز كٶلٸكتەردٸڭ بٶلشەكتەرٸ مەن مايىن ٶڭدەگەنٸ ٷشٸن ۇستالاتىن ۋتيليزاتسييا الىمىنان پايدا تاپقان. باق پەن بەلسەندٸلەر بۇل كومپانيياعا ەكس-پرەزيدەنت نۇرسۇلتان نازارباەۆتىڭ قىزى ەلييا نازارباەۆانىڭ قاتىسى بار دەپ ايتقان. 2020 جىلدىڭ باسىنداعى دەرەك بويىنشا, ٷش جىلدا "وپەراتور روپ" جشس شوتىنا 220 ميلليارد تەڭگە تٷسكەن. قاڭتار وقيعاسىنان كەيٸن پرەزيدەنت توقاەۆ "وپەراتور روپ" كومپانيياسىنىڭ جۇمىسىن توقتاتۋدى بۇيىردى. ارتىنشا ونىڭ اتقارىپ كەلگەن مٸندەتٸ "جاسىل دامۋ" كومپانيياسىنا ٶتتٸ.
2022 جىلى بەلسەندٸلەردٸڭ كٶپتەگەن نارازىلىق اكتسيياسىنان كەيٸن بيلٸك ۋتيليزاتسييا الىمىن ەكٸ ەسە ازايتقان, بٸراق نارازىلار ول شەشٸمدٸ سىناعان. بەلسەندٸلەر ۋتيليزاتسييا الىمىنىڭ مٶلشەرٸ ەلٸ جوعارى جەنە ونى جيناۋ مەحانيزمٸندە اشىقتىق جوق دەيدٸ.
2023 جىلى استانا سوتى "وپەراتور روپ" كومپانيياسىنىڭ بۇرىنعى باسشىلارى مەن بۇرىنعى ەكولوگييا مينيسترٸنٸڭ ورىنباسارىن 7 جىلعا دەيٸنگٸ مەرزٸمگە بوستاندىعىنان ايىرۋعا ٷكٸم شىعارعان.
بەس جىل ٸشٸندە "وپەراتور روپ" 700 ملرد تەڭگە (1,5 ملرد دوللار) جيناعان.
