مينيستر مەشٸتكە اياق كيٸممەن كٸرمەگەنٸن ايتتى
«مەشٸتتە اياق كيٸمٸن شەشپەي جٷر» دەپ سىنعا قالعان قر دٸن ٸستەرٸ جەنە ازاماتتىق قوعام مينيسترٸ تاعىلعان ايىپتاردىڭ بەرٸ جالعان دەپ وتىر. نۇرلان ەرمەكباەۆ سول سەبەپتٸ مۇنداي اقپاراتتاردى قۇلاعىما ٸلمەيتٸنٸن ايتتى, دەپ حابارلايدى 31 ارنا.
ٶز كەزەگٸندە قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ:
– ول – جالعان اقپارات! مەن وعان ەشقانداي دا تٷسٸنٸكتەمە بەرگٸم دە كەلمەيدٸ. جالعان سٶزدەرگە تٷسٸنٸكتەمە بەرمەيمٸن مەن.
– سۋرەتتەگٸ سوندا اياعىڭىزدا...
– مەن ونداي سۋرەتتەردٸ كٶرگەن جوقپىن. ونداي ماقالانى نەمەسە كوممەنتارييدٸ وقىعان دا جوقپىن. وعان ۋاقىتىم جوق.
وسىلايشا مينيستر قانداي اياق كيٸم كيگەنٸن ناقتىلاعىسى كەلمەدٸ. داۋ - وسى سۋرەتتەن باستالعان-دى. بٸر قاراعاندا مٷفتي باستاعان دٸني قىزمەتكەرلەرمەن بٸرگە جٷرگەن سەت بەينەلەنگەن سيياقتى. الايدا, جەلٸ قولدانۋشىلارى مينيستردٸڭ اياق كيٸمٸن شەشپەگەنٸن ايتىپ, جارىسا جازىپ جاتتى. بٸرەۋلەرٸ, قاسىنداعى كٸسٸلەردٸكٸندەي ارنايى مەشٸت ٸشٸندە كيەتٸن كەبٸس دەپ اراشا تٷسپەك بولدى. شەنەۋنٸكتٸ سىناۋشىلار بولسا, ونداي كەبٸستەردٸڭ ارتقى جاعى جوق بولعاندىقتان, اياعى كٶتەرٸلگەندە تابانى سالبىراپ تۇرۋى كەرەك ەدٸ دەگەن ۋەجدەرٸن العا تارتتى.
