Ministr meshitke aiaq kiimmen kirmegenin aitty
«Meshitte aiaq kiimin sheshpei júr» dep synǵa qalǵan QR Din isteri jáne azamattyq qoǵam ministri taǵylǵan aiyptardyń bári jalǵan dep otyr. Nurlan Ermekbaev sol sebepti mundai aqparattardy qulaǵyma ilmeitinin aitty, dep habarlaidy 31 arna.
Óz kezeginde QR Din isteri jáne azamattyq qoǵam ministri Nurlan Ermekbaev:
– Ol – jalǵan aqparat! Men oǵan eshqandai da túsinikteme bergim de kelmeidi. Jalǵan sózderge túsinikteme bermeimin men.
– Sýrettegi sonda aiaǵyńyzda...
– Men ondai sýretterdi kórgen joqpyn. Ondai maqalany nemese kommentariidi oqyǵan da joqpyn. Oǵan ýaqytym joq.
Osylaisha ministr qandai aiaq kiim kigenin naqtylaǵysy kelmedi. Daý - osy sýretten bastalǵan-dy. Bir qaraǵanda Múfti bastaǵan dini qyzmetkerlermen birge júrgen sát beinelengen siiaqty. Alaida, jeli qoldanýshylary ministrdiń aiaq kiimin sheshpegenin aityp, jarysa jazyp jatty. Bireýleri, qasyndaǵy kisilerdikindei arnaiy meshit ishinde kietin kebis dep arasha túspek boldy. Sheneýnikti synaýshylar bolsa, ondai kebisterdiń artqy jaǵy joq bolǵandyqtan, aiaǵy kóterilgende tabany salbyrap turýy kerek edi degen ýájderin alǵa tartty.
