اقپاننىڭ 15ء-ى كۇنى الماتى قالاسى ورتالىقتاندىرىلعان كىتاپحانا جۇيەسى ناۋرىزباي اۋدانى وتباسىلىق وقۋ كىتاپحاناسىنىڭ ۇيىمداستىرۋىمەن اقىن، فيلوسوف ، قازاقستان جازۋشىلار وداعىنىڭ مۇشەسى، “تۇلعالىق دوستىق” قوعامدىق قورىنىڭ ءتوراعاسى، “ادەبيەت الەمى” ورتالىعىنىڭ جەتەكشىسى، جاستاردىڭ جاناشىرى مۇراتحان شوقاننىڭ 50 جىلدىعىنا وراي “مۇراتحان شوقاننىڭ مەكتەبى” اتتى پوەزيالىق كەش ءوتتى.
شاراعا ناۋرىزباي اۋدانى ءبىلىم ءبولىمىنىڭ باسشىسى قۇسايىنوۆا سالتانات امانگەلدينوۆنا، س.كوپبايەۆا اتىنداعى 186 جالپى ءبىلىم بەرەتىن مەكتەپتىڭ ديرەكتورى راۋشان تاستانبەكوۆا، جاس قالامگەرلەر ۇلان ىسقاق؛ ەرنار تاستان ۇلى؛ تۇرسىنبايەۆا باقىتگۇل؛ توكەن ايگەرىم جانە مەسەناتتار مەن وقۋشىلار قاتىستى.
“مەن جاستارمەن جۇمىس جاساپ ءجۇرمىن، بۇل مەنىڭ كۇن كورىسىم ءۇشىن ەمەس... بۇل مەنىڭ اتاق-ابىرويعا ىڭكارلىگىمنەن ەمەس. بۇل مەنىڭ ساۋلەلى ادامداردىڭ قاتارى كوبەيسە دەگەن ارمانىمنان”،-دەگەن اقىننىڭ شىعارماشىل شاكىرتتەرى دە كەلىپ، ۇستازىنىڭ كەلە جاتقان مەرەيتويىمەن قۇتتىقتاپ، ارناۋ-ولەڭدەرىن وقىدى.
پوەزيالىق كەش بارىسىندا اقىننىڭ ءيىرىمى تەرەڭ فيلوسوفيالىق ويلارى، ولەڭدەرى جان-جاقتى تالقىلاندى. سونىمەن قاتار، اقىن ءوزىنىڭ “جاراتىلىسناما” اتتى فيلوسوفيالىق ەڭبەگىندەگى “جەتى شەڭبەر” جايىندا بايانداپ، قازىرگى تاڭدا پوەزيا سۇيەر قاۋىمنىڭ قۇتتى مەكەنىنە اينالعان، اقىننىڭ اۆتورلىق يدەياسىمەن سالىنعان “پوەزيا الەمى” اللەياسىنا شاقىردى.
كەش سوڭىندا كىتاپحانا مەڭگەرۋشىسى يسابايەۆا ءلاززات نۇرعالي قىزى كەلگەن قوناقتارعا ءوز العىسىن ءبىلدىرىپ، ونەرپازداردى الماتى كىتاپحانالارىنىڭ ديرەكتورى بەكتەمبايەۆ مەيرام ەركەن ۇلىنىڭ العىس حاتىمەن ماراپپاتتادى.
رۋحاني جانداردىڭ باسىن قوسقان بۇل كەش بارشامىزعا زور اسەر قالدىردى.
گۇلجاينا وسكەنباي،
كىتاپحانا قىزمەتكەرى
