Aqpannyń 15-i kúni Almaty qalasy Ortalyqtandyrylǵan kitaphana júiesi Naýryzbai aýdany Otbasylyq oqý kitaphanasynyń uiymdastyrýymen aqyn, filosof , Qazaqstan Jazýshylar odaǵynyń múshesi, “Tulǵalyq dostyq” qoǵamdyq qorynyń tóraǵasy, “Ádebiet álemi” ortalyǵynyń jetekshisi, jastardyń janashyry Murathan Shoqannyń 50 jyldyǵyna orai “Murathan Shoqannyń mektebi” atty poeziialyq kesh ótti.
Sharaǵa Naýryzbai aýdany bilim bóliminiń basshysy Qusaiynova Saltanat Amangeldinovna, S.Kópbaeva atyndaǵy 186 jalpy bilim beretin mekteptiń direktory Raýshan Tastanbekova, jas qalamgerler Ulan Ysqaq; Ernar Tastanuly; Tursynbaeva Baqytgúl; Tóken Áigerim jáne metsenattar men oqýshylar qatysty.
“Men jastarmen jumys jasap júrmin, bul meniń kún kórisim úshin emes... Bul meniń ataq-abyroiǵa ińkárligimnen emes. Bul meniń sáýleli adamdardyń qatary kóbeise degen armanymnan”,-degen aqynnyń shyǵarmashyl shákirtteri de kelip, ustazynyń kele jatqan mereitoiymen quttyqtap, arnaý-óleńderin oqydy.
Poeziialyq kesh barysynda aqynnyń iirimi tereń filosofiialyq oilary, óleńderi jan-jaqty talqylandy. Sonymen qatar, aqyn óziniń “Jaratylysnama” atty filosofiialyq eńbegindegi “Jeti sheńber” jaiynda baiandap, qazirgi tańda poeziia súier qaýymnyń qutty mekenine ainalǵan, aqynnyń avtorlyq ideiasymen salynǵan “Poeziia álemi” alleiasyna shaqyrdy.
Kesh sońynda kitaphana meńgerýshisi Isabaeva Lázzat Nurǵaliqyzy kelgen qonaqtarǵa óz alǵysyn bildirip, ónerpazdardy Almaty kitaphanalarynyń direktory Bektembaev Meiram Erkenulynyń Alǵys hatymen marappattady.
Rýhani jandardyń basyn qosqan bul kesh barshamyzǵa zor áser qaldyrdy.
Gúljaina Óskenbai,
Kitaphana qyzmetkeri
