فابريكانىڭ اشىلعانىنا 20 جىلدان استى. كاسىپورىننىڭ نەگىزىن قالاۋشى جەكە كاسىپكەر يگور پوزدنياكوۆ قازرگى تاڭدا 144 تۇرعىندى تۇراقتى جۇمىسپەن قامتىپ وتىر. ونىڭ ىشىندە الەۋمەتتىك وسال توپتاعى ادامدار دا بار.
دايىن ءونىم تەك ماڭعىستاۋ وبلىسىنىڭ عانا ەمەس باسقا دا ءوڭىر تۇرعىندارىنىڭ قاجەتتىلىگىن قامتاماسىز ەتۋدە. ايتا كەتەيىك، سوڭعى جىلدارى وتاندىق ونىمگە كورشى ەلدەردەن دە سۇرانىس بار.
– كەزىندە ءوز قاراجاتىمىزبەن جارتىلاي ەت جانە شۇجىق ونىمدەرى حالىققا قولجەتىمدى باعادا ساتىلۋى ءۇشىن اشتىق. شيكىزاتتى قوستاناي وبلىسىنان الدىرامىز، – دەيدى كاسىپكەر يگور پوزدنياكوۆ.
