اقمولا وبلىسىنىڭ ششۋچينسك قالاسىندا تۇرعىن ٷيدەن شىققان ٶرت سالدارىنان ەگدە جاستاعى ەرلٸ-زايىپتى قازا تاپتى, دەپ حابارلايدى dalanews.kz.
قايعىلى وقيعا 29 قىركٷيەككە قاراعان تٷنٸ بولعان. اقمولا وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, جالىن 90 شارشى مەتر اۋماقتى شارپىعان.
ۆەدومستۆونىڭ حابارلاۋىنشا, وقيعا ورنىنا جەتكەن ٶرت سٶندٸرۋشٸلەر تٸلسٸز جاۋدى اۋىزدىقتاعان. ٶرتتٸ سٶندٸرۋ كەزٸندە ٷي ٸشٸنەن ەر ادام مەن ەيەلدٸڭ مەيٸتٸ تابىلعان. قازٸر ٶرتتٸڭ ناقتى شىعۋ سەبەبٸ انىقتالىپ جاتىر.
اتالعان دەرەك بويىنشا اقمولا وبلىسى پوليتسييا دەپارتامەنتٸ سوتقا دەيٸنگٸ تەرگەۋ امالدارىن باستادى. پوليتسييانىڭ الدىن الا مەلٸمەتٸنە سەيكەس, 39 جاستاعى جەرگٸلٸكتٸ تۇرعىن ٷيدٸ قاساقانا ٶرتەگەن دەگەن كٷدٸككە ٸلٸنگەن. سونىڭ سالدارىنان سول ٷيدە تۇرعان ەگدە جاستاعى ەرلٸ-زايىپتى كٶز جۇمعان.
كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر.
