Aqmola oblysynyń Shýchinsk qalasynda turǵyn úiden shyqqan órt saldarynan egde jastaǵy erli-zaiypty qaza tapty, dep habarlaidy dalanews.kz.
Qaiǵyly oqiǵa 29 qyrkúiekke qaraǵan túni bolǵan. Aqmola oblystyq Tótenshe jaǵdailar departamentiniń málimetinshe, jalyn 90 sharshy metr aýmaqty sharpyǵan.
Vedomstvonyń habarlaýynsha, oqiǵa ornyna jetken órt sóndirýshiler tilsiz jaýdy aýyzdyqtaǵan. Órtti sóndirý kezinde úi ishinen er adam men áieldiń máiiti tabylǵan. Qazir órttiń naqty shyǵý sebebi anyqtalyp jatyr.
Atalǵan derek boiynsha Aqmola oblysy Politsiia departamenti sotqa deiingi tergeý amaldaryn bastady. Politsiianyń aldyn ala málimetine sáikes, 39 jastaǵy jergilikti turǵyn úidi qasaqana órtegen degen kúdikke ilingen. Sonyń saldarynan sol úide turǵan egde jastaǵy erli-zaiypty kóz jumǵan.
Kúdikti ustalyp, ýaqytsha ustaý izoliatoryna qamaldy. Tergeý jalǵasyp jatyr.
