Munaıly aýdany Atameken aýyldyq okrýgindegi et fabrıkasy jylyna 250 tonna jartylaı et (farsh) pen shujyq ónimin óndirýde, – dep habarlaıdy Dalanews.kz  aýdan ákimdiginiń baspasóz qyzmeti silteme jasap.

Fabrıkanyń ashylǵanyna 20 jyldan asty. Kásiporynnyń negizin qalaýshy jeke kásipker Igor Pozdnákov qazrgi tańda 144 turǵyndy turaqty jumyspen qamtyp otyr. Onyń ishinde áleýmettik osal toptaǵy adamdar da bar.

Daıyn ónim tek Mańǵystaý oblysynyń ǵana emes basqa da óńir turǵyndarynyń qajettiligin qamtamasyz etýde. Aıta keteıik, sońǵy jyldary otandyq ónimge kórshi elderden de suranys bar.

– Kezinde óz qarajatymyzben jartylaı et jáne shujyq ónimderi halyqqa qoljetimdi baǵada satylýy úshin ashtyq. Shıkizatty Qostanaı oblysynan aldyramyz, – deıdi kásipker  Igor Pozdnákov.