جامبىل وبلىسى قورداي اۋدانى قاراكەمەر اۋىلىندا 14 جاستاعى وقۋشى قالي قۋانىش تەمٸربەكۇلى قايتىس بولدى. مارقۇمنىڭ تۋىستارى ونىڭ ٶلٸمٸنە مەكتەپتەگٸ جاعداي سەبەپ بولۋى مٷمكٸن دەگەن پٸكٸردە, دەپ حابارلايدى dalanews.kz.
ەبٸل نٷسٸپباەۆ اتىنداعى №14 ورتا مەكتەپتٸڭ 7-سىنىبىندا وقىعان قۋانىش وتباسىنداعى التى قىزدىڭ اراسىنداعى جالعىز ۇل بولعان. وتباسىنىڭ مەلٸمەتٸنشە, قايعىلى جاعداي 25 اقپاندا بولعان. سول كٷنٸ الگەبرا ساباعىندا وقۋشى تاقتاداعى جازۋدى كٶرە الماي, تەلەفونىمەن سۋرەتكە تٷسٸرگەن كەزدە كادرعا مۇعالٸم دە تٷسٸپ قالعان. تۋىستارىنىڭ ايتۋىنشا, مۇعالٸم قۋانىشتان ٶزٸن ەدەيٸ تٷسٸرگەن-تٷسٸرمەگەنٸن سۇراپ, بالا تاقتانى عانا تٷسٸرگەنٸن ايتقانىنا قاراماستان, وعان 200 مىڭ تەڭگە كٶلەمٸندە ايىپپۇل تٶلەيتٸنٸن ايتىپ, تٷسٸنٸكتەمە جازدىرعان.
وسىدان كەيٸن مۇعالٸم وقۋشىعا ەكەسٸن شاقىرۋدى تاپسىرعان. قۋانىش ەكەسٸن ەرتٸپ كەلەتٸنٸن ايتىپ, قوڭىراۋعا شامامەن بٸر مينۋت قالعاندا مەكتەپتەن شىعىپ كەتكەن. وتباسىنىڭ ايتۋىنشا, ودان كەيٸن وقۋشىنى بٸردەن ٸزدەستٸرٸلمەگەن.
"بٸر ساعاتتاي ۋاقىت ٶتكەن. كەيٸن تاعى ەكٸ-ٷش ساباق بولعان. ونىڭ ٸشٸندە باسقا مۇعالٸمنٸڭ جەنە ديرەكتوردىڭ ساباعى دا بولعان. بٸراق ەشكٸم قۋانىشتى ٸزدەمەگەن. سىنىپتاستارى الاڭداپ, اتا-اناسىنا حابارلاسقىسى كەلگەن, الايدا ونىڭ تەلەفونىن الىپ قويعان", - دەيدٸ مارقۇمنىڭ جاقىندارى.
كەيٸن الگەبرا پەنٸنٸڭ مۇعالٸمٸ وتباسىنىڭ ٷلكەن قىزىنا تەلەفون شالىپ, قۋانىش مەكتەپتەن كەتٸپ قالعانىن حابارلاعان. سول كٷنٸ كەشكە وقۋشىنى تۋىستارىنىڭ بٸرٸ ٷي ماڭىنان ٶلٸ تاپقان.
قايعىلى جاعدايدان كەيٸن مەكتەپ ديرەكتورى, ديرەكتوردىڭ ورىنباسارى جەنە سىنىپ جەتەكشٸسٸ وتباسىعا كٶڭٸل ايتۋعا بارعانىمەن, الگەبرا پەنٸنٸڭ مۇعالٸمٸ كەلمەگەن. مارقۇمنىڭ وتباسى 500 مىڭ تەڭگەگە ادۆوكات جالداعانىمەن, ٸستٸڭ العا جىلجۋىنا قاتىستى كٷتكەن نەتيجەنٸ الا الماعانىن جەتكٸزدٸ. ولار الگەبرا مۇعالٸمٸنە تيٸستٸ شارا قولدانۋدى, سونداي-اق, مەكتەپ ديرەكتورى مەن مۇعالٸم اراسىندا تۋىستىق بايلانىس بار-جوعىن تەكسەرۋدٸ سۇرايدى.
"مالدان ايىرىلىپ وتىرعان جوقپىز, ادامنان ايىرىلىپ وتىرمىز. ول - التى قىزدىڭ اراسىنداعى جالعىز باۋىرىمىز", - دەيدٸ وتباسى.
پوليتسييا دەپارتامەنتٸ بۇل دەرەك بويىنشا قىلمىستىق ٸس قوزعالعانىن راستادى.
"قازٸر وقيعانىڭ مەن-جايىن انىقتاۋ ٷشٸن تەرگەۋ ەرەكەتتەرٸ جٷرگٸزٸلٸپ جاتىر", - دەلٸنگەن پوليتسييا حابارلاماسىندا.
