ەلەمدٸك نارىقتاعى مۇناي باعاسىنىڭ قۇبىلمالى جاعدايى ۇزاققا ساقتالادى. بۇعان يزرايلدٸڭ "حەزبوللا" قوزعالىسىنا قارسى اشقان سوعىسىنىڭ ۇزاققا سوزىلۋ ىقتيمالدىلىعى تٷرتكٸ. بۇل تۋرالى Halyk Research (Halyk Finance) ساراپشىلارى جارييالاعان زەرتتەۋدە ايتىلادى, دەپ حابارلايدى Dalanews.kz.
"حەزبوللامەن اراداعى سوعىس ۇزاققا سوزىلۋى مٷمكٸن, بۇل مۇناي باعاسىنداعى قۇبىلمالى قۇبىلىستىڭ ودان ەرٸ ساقتالاتىنىنا ىقپال ەتەتٸن باستى فاكتور", دەلٸنگەن Halyk Research ساراپشىلارى زەرتتەۋٸندە.
وسىنداي تۇجىرىم جاساعان ساراپشىلار قارۋلى قاقتىعىستىڭ ۇزارۋىنا تٷرتكٸ فاكتورلارعا دا كەڭٸنەن توقتالادى.
Halyk Research ليۆاندىق توپتا كٶپتەگەن زىمىران مەن وق-دەرٸلەر بارىن, ولاردىڭ كٶپشٸلٸگٸ يزرايل اۋماعىنا دٶپ تٷسۋگە قابٸلەتتٸ ەكەنٸن ايتادى.
"حەزبوللا" ليۆان اۋماعىنداعى شەبٸنەن سوققى بەرۋٸ ىقتيمال, بۇل يزرايلدٸڭ جاۋاپتى سوققىسىن قيىنداتادى, ٶيتكەنٸ وق اتىلعان تەرريتورييا شەكاراعا ٸرگەلەس جاتقان جوق. وڭتٷستٸك ليۆاننىڭ تاۋلى جەنە جارتاستى جەر بەدەرٸ يزرايل ەسكەرلەرٸ مەن بروندى ماشينالارىنىڭ قوزعالىسىن شەكتەيدٸ, ولار ويقى-شۇيقى جولدارمەن جٷرۋگە قابٸلەتسٸز. جەر بەدەرٸن جاقسى بٸلەتٸن "حەزبوللا" ساربازدارى جاسىرىن پوزيتسييالاردان اياق-استى سوققى بەرٸپ, قارسىلاستارىن قاتتى ساستىرادى. وسىعان بايلانىستى حەزبوللانىڭ قورعانىس ستراتەگيياسى يزرايل وپەراتسيياسىن قيىنداتىپ, ەسكەرٸ جاقسى دايىندالعان قارسىلاسقا قارسى قارۋلى قاقتىعىستىڭ ۇزارا تٷسۋٸنە تٷرتكٸ بولادى. وسى سەبەپتەن دە قارۋلى قاقتىعىس ۇزاققا سوزىلادى دەپ كٷتٸلەدٸ. بۇل ٶز كەزەگٸندە ايماقتاعى تۇراقسىزدىقتىڭ ارتۋىنا جەنە ەنەرگەتيكالىق نارىقتارداعى دٷدامالدىلىقتارعا بايلانىستى مۇناي باعاسىنىڭ قۇبىلمالى بولا تٷسۋٸنە ىقپال ەتەدٸ", دەلٸنگەن زەرتتەۋدە.
يراننىڭ كەڭ ماسشتابتى سوعىستى باستاۋ ىقتيمالدىعى بٸرنەشە فاكتورلارعا بايلانىستى: سونىڭ ٸشٸندە يزرايلدٸڭ ارانداتۋشىلىق ەرەكەتتەرگە رەاكتسيياسى جەنە اقش-تىڭ ايماقتاعى مٷددەلەرٸنە قاتىستى بەلەڭ الاتىن گەوساياسي جاعداي.
ەكٸ تاراپ تا ەسكەري قاقتىعىستى جالعاستىرۋعا ساقاداي ساي بولىپ كٶرٸنگەنٸمەن, ساراپشىلار تاراپتاردىڭ ەشقايسىسى اپاتتى سالدارعا ەكەلٸپ سوعاتىن قىرعىن سوعىستى قالامايتىنىن باسا ايتادى.
ساراپشىلار يران ەلەمدٸك مۇناي ساۋداسىنىڭ شامامەن 20%-ى ٶتەتٸن ورمۋز بۇعازىن باقىلاۋ ارقىلى ەلەمدٸك مۇناي نارىعىندا شەشۋشٸ رٶل اتقاراتىنىن ەسكە سالادى. يراننىڭ وسى قان تامىردى جاۋىپ تاستاۋ قاۋپٸ مۇناي باعاسىن كٷرت كٶتەرٸپ, ەلەمدٸك ەكونوميكاعا قىسىم كٶرسەتۋٸ مٷمكٸن.
يراننىڭ "حەزبوللا" جەتەكشٸسٸ حاسان ناسراللى ٶلتٸرٸلگەننەن كەيٸنگٸ جاۋابىنان سوڭ Brent ماركالى مۇناي باعاسى 2,3%-عا (بٸر باررەل 71,85 دوللاردان 73,56 دوللارعا دەيٸن) ٶستٸ, سول تەۋلٸك بارىسىندا, تٸپتٸ باعا 75,45 دوللاردى قۇرادى.
"بٸز شيەلەنٸستٸڭ كٷشەيگەنٸنە قاراماستان, مۇناي باعاسى ەلٸ ايتارلىقتاي كٶتەرٸلە قويماعانا باسا اتاپ ٶتكٸمٸز كەلەدٸ, ٶيتكەنٸ اعىمداعى كٶرسەتكٸش جىلدىق ەڭ تٶمەنگٸ دەڭگەيٸنە جاقىن. الايدا, قاقتىعىس شيەلەنٸسكەن جاعدايدا مۇناي تاسىمالى كٸلت توقتاۋى مٷمكٸن دەگەن الاڭداۋشىلىق ەلٸ دە بار", دەپ سانايدى Halyk Research.
قازٸرگٸ ۋاقىتتا مۇناي باعاسى ەلٸ دە 2024 جىلدىڭ ەڭ تٶمەنگٸ مەندەرٸنە جاقىن, - دەيدٸ ساراپشىلار.
"بٸز 2025 جىلى وپەك + ەلدەرٸنٸڭ مۇناي ٶندٸرٸسٸن ارتتىرۋىنا بايلانىستى مۇناي نارىعى تاپشىلىقتان پروفيتسيتكە اۋىسادى دەپ كٷتەمٸز. مۇنى كٶپتەگەن ينۆەستيتسييالىق بانكتەردٸڭ ۇستانىمى دا راستايدى. Bloomberg ساراپشىلارىنىڭ 2025 جىلعا ارنالعان بولجامىندا مۇنايدىڭ بٸر باررەلٸ 77 دوللاردى قۇرايدى, ورتاشا كٶرسەتكٸش ودان سەل عانا اسادى, ياعني 7 77,17 دوللار دەپ كٶرسەتٸلگەن. ال فيۋچەرستەردٸڭ وسى كەزەڭگە ارنالعان بولجامىنداعى باعا 73,34 دەڭگەيٸندە ساقتالىپ وتىر. سونداي-اق, بٸز يراننىڭ تاراپىنان بولعان زىمىران سوققىلارىنان كەيٸن دە نارىقتىق بولجامدى تسيفرلار شامالى عانا ٶزگەرگەنٸن بايقاپ وتىرمىز", دەلٸنگەن زەرتتەۋدە.
ساراپشىلار ەلٸ دە بيرجالىق يندەكستەردٸڭ ودان ارعى ديناميكاسى جارييالانعان جاعىمسىز دەرەكتەردەن سوڭ ٶزگەرۋٸ مٷمكٸن دەگەن كٶزقاراستى ۇستانادى. اتاپ ايتقاندا, اقش-تىڭ جٸٶ ٶسٸمٸ قارقىنىنىڭ باياۋلاۋى, ينفلياتسييا ديناميكاسىنىڭ تٶمەندەۋٸ (Halyk Research نەگٸزگٸ ستسەنارييٸ). سونىمەن قاتار, ولار اقش-تاعى سايلاۋ دا نارىقتارداعى قۇبىلمالىلىققا ەسەر ەتٸپ جاتقانىن ايتادى.
بۇعان دەيٸن 1 قازاندا كەشكە يراننىڭ يزرايل تاراپىنا زىمىراندار جاۋدىرعانىن, بۇل جايت ەلەمدٸك مۇناي نارىعىنداعى باعالارعا بٸردەن ەسەر ەتكەنٸن جازعان بولاتىنبىز. سونداي-اق تاياۋ شىعىستاعى شيەلەنٸس تەڭگەنٸ ەلسٸرەتٸپ, دوللار باعامىن كٷشەيتكەنٸن دە حابارلادىق.
