ۇلتتىق بانك ساراپشىلار اراسىندا جٷرگٸزٸلگەن كەزەكتٸ ماكروەكونوميكالىق ساۋالناما نەتيجەسٸن جارييالادى. ساراپشىلار بازالىق مٶلشەرلەمە الداعى جىلدارى تٶمەندەۋٸ مٷمكٸن ەكەنٸن ايتتى, دەپ حابارلايدى dalanews.kz.
ساۋالنامادا Brent ماركالى مۇناي باعاسى, قازاقستان ەكونوميكاسىنىڭ ٶسٸمٸ, ينفلياتسييا, بازالىق مٶلشەرلەمە, ەكسپورت-يمپورت جەنە تەڭگە باعامى بويىنشا بولجامدار قاراستىرىلعان.
ساراپشىلار مۇناي باعاسىنا قاتىستى بولجامدى كٶتەردٸ. ولاردىڭ پٸكٸرٸنشە, 2026 جىلى Brent مۇنايىنىڭ ورتاشا باعاسى باررەلٸنە 86,1 دوللار بولادى. بۇعان دەيٸن بۇل كٶرسەتكٸش 80 دوللار دەپ بولجانعان. 2027 جىلى مۇناي باعاسى 75 دوللار, ال 2028 جىلى 70,5 دوللار دەڭگەيٸندە بولادى دەگەن بولجام بار.
قازاقستان ەكونوميكاسىنىڭ ٶسٸمٸ بويىنشا بولجام ايتارلىقتاي ٶزگەرمەگەن. ساراپشىلاردىڭ باعالاۋىنشا, 2026 جىلى جٸٶ ٶسٸمٸ 4,9%, 2027 جىلى 4,7%, ال 2028 جىلى 4,3% بولادى.
ينفلياتسييا بويىنشا بولجامدار دا جاقسارعان. 2026 جىلعا ارنالعان بولجام 10% دەڭگەيٸندە ساقتالدى. ال 2027 جىلعا ارنالعان بولجام 8%-عا, 2028 جىلعا ارنالعان بولجام 6,8%-عا دەيٸن تٶمەندەيدٸ.
بازالىق مٶلشەرلەمە بويىنشا دا ٶزگەرٸستەر بار. 2026 جىلى ول 16% دەڭگەيٸندە بولادى دەپ كٷتٸلٸپ وتىر. دەسە دە ينفلياتسييا باياۋلاۋىنا بايلانىستى 2027 جىلى 12,8%-عا, 2028 جىلى 10,6%-عا دەيٸن تٶمەندەۋٸ مٷمكٸن.
ساۋالناماعا قازاقستان ەكونوميكاسىن زەرتتەپ, بولجاۋمەن اينالىساتىن 16 ۇيىم قاتىسقان. ولاردىڭ قاتارىندا قارجى نارىعىنىڭ كەسٸبي قاتىسۋشىلارى, زەرتتەۋ ينستيتۋتتارى, حالىقارالىق ۇيىمدار مەن رەيتينگ اگەنتتٸكتەرٸ بار.
