Ulttyq bank sarapshylar arasynda júrgizilgen kezekti makroekonomikalyq saýalnama nátijesin jariialady. Sarapshylar bazalyq mólsherleme aldaǵy jyldary tómendeýi múmkin ekenin aitty, dep habarlaidy dalanews.kz.
Saýalnamada Brent markaly munai baǵasy, Qazaqstan ekonomikasynyń ósimi, infliatsiia, bazalyq mólsherleme, eksport-import jáne teńge baǵamy boiynsha boljamdar qarastyrylǵan.
Sarapshylar munai baǵasyna qatysty boljamdy kóterdi. Olardyń pikirinshe, 2026 jyly Brent munaiynyń ortasha baǵasy barreline 86,1 dollar bolady. Buǵan deiin bul kórsetkish 80 dollar dep boljanǵan. 2027 jyly munai baǵasy 75 dollar, al 2028 jyly 70,5 dollar deńgeiinde bolady degen boljam bar.
Qazaqstan ekonomikasynyń ósimi boiynsha boljam aitarlyqtai ózgermegen. Sarapshylardyń baǵalaýynsha, 2026 jyly JIÓ ósimi 4,9%, 2027 jyly 4,7%, al 2028 jyly 4,3% bolady.
Infliatsiia boiynsha boljamdar da jaqsarǵan. 2026 jylǵa arnalǵan boljam 10% deńgeiinde saqtaldy. Al 2027 jylǵa arnalǵan boljam 8%-ǵa, 2028 jylǵa arnalǵan boljam 6,8%-ǵa deiin tómendeidi.
Bazalyq mólsherleme boiynsha da ózgerister bar. 2026 jyly ol 16% deńgeiinde bolady dep kútilip otyr. Dese de infliatsiia baiaýlaýyna bailanysty 2027 jyly 12,8%-ǵa, 2028 jyly 10,6%-ǵa deiin tómendeýi múmkin.
Saýalnamaǵa Qazaqstan ekonomikasyn zerttep, boljaýmen ainalysatyn 16 uiym qatysqan. Olardyń qatarynda qarjy naryǵynyń kásibi qatysýshylary, zertteý institýttary, halyqaralyq uiymdar men reiting agenttikteri bar.
