اتىراۋدا سۇلتان سەرسەمەليەۆكە قاتىستى سوت وتىرىسى جالعاسىپ جاتىر. 29 مامىر كٷنٸ ٶتكەن پروتسەستە سوتتالۋشىنىڭ اتا-اناسىنان جاۋاپ الىندى, دەپ حابارلايدى dalanews.kz.
سوت بارىسىندا سۇلتاننىڭ اناسى ۇلى مەن كەلٸنٸ اقباياننىڭ اراسىنداعى كەلٸسپەۋشٸلٸكتٸڭ قالاي باستالعانىن ايتىپ بەردٸ. بۇل تۋرالى Tengrinews.kz جازدى.
ونىڭ سٶزٸنشە, سۇلتان مەن اقبايان 2018 جىلى شاڭىراق كٶتەرگەن. جاس وتباسى ماحامبەت اۋدانىنداعى ٷيدە تۇرعان.
2022 جىلى اقبايان مۇقانعاليەۆا تٶرتٸنشٸ بالاسىنا جٷكتٸ بولعان. وسى كەزەڭدە ەرلٸ-زايىپتى اراسىندا جانجال تۋىنداپ, اقبايان بالالارىن ەرتٸپ, اتا-اناسىنىڭ ٷيٸنە كەتٸپ قالعان. الايدا كەيٸن سۇلتان ەكەۋٸ قايتا تاتۋلاسىپ, اتىراۋ قالاسىنا كٶشكەن.
2024 جىلى اقبايان بەسٸنشٸ سەبيٸنە جٷكتٸ بولعان. سول جىلى ول پنەۆمونييامەن اۋىرىپ قالعان. دەرٸگەرلەر بالانىڭ ٶمٸرٸن ساقتاپ قالۋ ٷشٸن شۇعىل تٷردە كەسار تٸلٸگٸن جاساۋعا مەجبٷر بولعان. نەرەستە امان قالعانىمەن, انانىڭ دەنساۋلىعى كٷرت ناشارلاپ, ورتالىق جٷيكە جٷيەسٸنە زاقىم كەلگەن.
وسى جاعدايدان كەيٸن اقباياننىڭ حال-جاعدايى اۋىرلاي تٷسكەن. ونىڭ جٷرٸپ-تۇرۋى قيىنداپ, 2025 جىلى وعان I توپ مٷگەدەكتٸگٸ بەرٸلگەن.
سوتتالۋشىنىڭ اناسى دەل وسى كەزەڭدە سۇلتان مەن اقباياننىڭ تۋىستارى اراسىندا تٷسٸنٸسپەۋشٸلٸك پەن كەلٸسپەۋشٸلٸكتەر باستالعانىن ايتتى.
