Atyraýda Sultan Sársemálievke qatysty sot otyrysy jalǵasyp jatyr. 29 mamyr kúni ótken protseste sottalýshynyń ata-anasynan jaýap alyndy, dep habarlaidy dalanews.kz.
Sot barysynda Sultannyń anasy uly men kelini Aqbaiannyń arasyndaǵy kelispeýshiliktiń qalai bastalǵanyn aityp berdi. Bul týraly Tengrinews.kz jazdy.
Onyń sózinshe, Sultan men Aqbaian 2018 jyly shańyraq kótergen. Jas otbasy Mahambet aýdanyndaǵy úide turǵan.
2022 jyly Aqbaian Muqanǵalieva tórtinshi balasyna júkti bolǵan. Osy kezeńde erli-zaiypty arasynda janjal týyndap, Aqbaian balalaryn ertip, ata-anasynyń úiine ketip qalǵan. Alaida keiin Sultan ekeýi qaita tatýlasyp, Atyraý qalasyna kóshken.
2024 jyly Aqbaian besinshi sábiine júkti bolǵan. Sol jyly ol pnevmoniiamen aýyryp qalǵan. Dárigerler balanyń ómirin saqtap qalý úshin shuǵyl túrde kesar tiligin jasaýǵa májbúr bolǵan. Náreste aman qalǵanymen, ananyń densaýlyǵy kúrt nasharlap, ortalyq júike júiesine zaqym kelgen.
Osy jaǵdaidan keiin Aqbaiannyń hal-jaǵdaiy aýyrlai túsken. Onyń júrip-turýy qiyndap, 2025 jyly oǵan I top múgedektigi berilgen.
Sottalýshynyń anasy dál osy kezeńde Sultan men Aqbaiannyń týystary arasynda túsinispeýshilik pen kelispeýshilikter bastalǵanyn aitty.
