مىسىق پەن كٷشٸك ەرتەگٸ
– ەي, كٷشٸك, مەن سەنٸ جەيمٸن! – دەپتٸ.
– قوي, كٶكەشٸم, قوي! ەۋەلٸ مەنٸ تويعىز, سونان سوڭ جەرسٸڭ, – دەپتٸ كٷشٸك. قاسقىر:
– جارايدى, جارايدى! مەنٸڭ سوڭىمنان قالماي ەرە بەر, – دەپتٸ. ەكەۋٸ بٸرگە كەلە جاتىپ, بٸر توپ سيىردى كٶرٸپتٸ. قاسقىر ٶزٸنٸڭ جولداسىنا قاراپ:
– ماعان قاراشى, مەنٸڭ كٶزدەرٸم, قۇلاقتارىم, اۋىزىم, قۇيرىعىم قانداي ەكەن? – دەپتٸ.
– سەنٸڭ ەكٸ كٶزٸڭ شوقتاي قىزارىپ جايناعان, ەكٸ قۇلاعىڭ جىميعان, اۋزىڭ ارانداي اشىلعان, قۇيرىعىڭ ارتقى ەكٸ اياعىڭنىڭ اراسىنا قىستىرىلىپ, جاس شىبىقتاي بولىپ مايىسقان, – دەپتٸ كٷشٸك.
– مەن نە قىلار ەكەم, سونى قارا, – دەپتٸ دە, قاسقىر شاپشىپ بارىپ, بٸر بۇزاۋدىڭ تاماعىنا جابىسادى دا, تۇنشىقتىرىپ ٶلتٸرٸپ, كٷشٸكتٸ دە تويعىزادى, ٶزٸ دە تويادى.
– مەن تويدىم, سەنٸڭ ەتٸڭدٸ ەندٸ جەمەيمٸن. قوش بول! – دەيدٸ دە, قاسقىر جەلە جورتىپ, كەتٸپ قالىپتى. كٷشٸك بۇزاۋدىڭ جەمتٸگٸنٸڭ قاسىندا قالىپ, ٷش كٷندەي تەگٸن ەتكە تويىپ جاتىپتى. اقىرىندا, ٸشٸ پىسقان سوڭ, قاڭعىپ جورتۋىلعا شىققان ەكەن, بٸر اش مىسىققا كەز بولىپ, وعان:
– ەي, مەن سەنٸ جەيمٸن! – دەپتٸ.
– قوي, كٷشەكە, قوي! ەۋەلٸ مەنٸ تويعىز, سونان سوڭ جەرسٸڭ, – دەپتٸ مىسىق.
– جارايدى! مەنٸمەن بٸرگە ەرٸپ جٷر, – دەپتٸ كٷشٸك.
بٸرازدان سوڭ بۇلار بٸر توپ تٷيەگە كەلٸپتٸ. كٷشٸك:
– مىسىق! ماعان قاراشى: مەنٸڭ كٶزدەرٸم, قۇلاقتارىم, اۋزىم, قۇيرىعىم, قانداي ەكەن? – دەپتٸ.
– نەسٸن ايتاسىڭ! سەنٸڭ كٶزٸڭ بوزارىپ تۇر, قۇلاقتارىڭ سالپايىپ تۇر, اۋزىڭ ايقايىپ تۇر, تٸلٸڭ سالاقتاپ, قۇيرىعىڭ سالباڭداپ تۇر, – دەپتٸ مىسىق. سوندا وعان كٷشٸك:
– ەندٸ مەن نە قىلار ەكەنمٸن, كٶر! – دەپتٸ. كٷشٸك جٷگٸرٸپ بارىپ, بٸر تٷيەنٸڭ اياعىن تٸستەيٸن دەگەندە تٷيە مۇنى دەلدەپ تۇرىپ, باسقا تەۋٸپ قالىپتى, كٷشٸك سول ارادا سەسپەي قاتىپتى. سوندا مىسىق ايتىپتى:
– ەي, ماقتانشاق! سەن ەلٸڭە قاراماي, قيىن ٸسكە قولىڭدى سوزاسىڭ! سەنٸڭ ەتٸڭدٸ ەندٸ مەن جەمەيمٸن, – دەپتٸ.
