Mysyq pen kúshik ertegi
– Ei, kúshik, men seni jeimin! – depti.
– Qoi, kókeshim, qoi! Áýeli meni toiǵyz, sonan soń jersiń, – depti kúshik. Qasqyr:
– Jaraidy, jaraidy! Meniń sońymnan qalmai ere ber, – depti. Ekeýi birge kele jatyp, bir top siyrdy kóripti. Qasqyr óziniń joldasyna qarap:
– Maǵan qarashy, meniń kózderim, qulaqtarym, aýyzym, quiryǵym qandai eken? – depti.
– Seniń eki kóziń shoqtai qyzaryp jainaǵan, eki qulaǵyń jymiǵan, aýzyń arandai ashylǵan, quiryǵyń artqy eki aiaǵyńnyń arasyna qystyrylyp, jas shybyqtai bolyp maiysqan, – depti kúshik.
– Men ne qylar ekem, sony qara, – depti de, qasqyr shapshyp baryp, bir buzaýdyń tamaǵyna jabysady da, tunshyqtyryp óltirip, kúshikti de toiǵyzady, ózi de toiady.
– Men toidym, seniń etińdi endi jemeimin. Qosh bol! – deidi de, qasqyr jele jortyp, ketip qalypty. Kúshik buzaýdyń jemtiginiń qasynda qalyp, úsh kúndei tegin etke toiyp jatypty. Aqyrynda, ishi pysqan soń, qańǵyp jortýylǵa shyqqan eken, bir ash mysyqqa kez bolyp, oǵan:
– Ei, men seni jeimin! – depti.
– Qoi, kúsheke, qoi! Áýeli meni toiǵyz, sonan soń jersiń, – depti mysyq.
– Jaraidy! Menimen birge erip júr, – depti kúshik.
Birazdan soń bular bir top túiege kelipti. Kúshik:
– Mysyq! Maǵan qarashy: meniń kózderim, qulaqtarym, aýzym, quiryǵym, qandai eken? – depti.
– Nesin aitasyń! Seniń kóziń bozaryp tur, qulaqtaryń salpaiyp tur, aýzyń aiqaiyp tur, tiliń salaqtap, quiryǵyń salbańdap tur, – depti mysyq. Sonda oǵan kúshik:
– Endi men ne qylar ekenmin, kór! – depti. Kúshik júgirip baryp, bir túieniń aiaǵyn tisteiin degende túie muny dáldep turyp, basqa teýip qalypty, kúshik sol arada sespei qatypty. Sonda mysyq aitypty:
– Ái, maqtanshaq! Sen álińe qaramai, qiyn iske qolyńdy sozasyń! Seniń etińdi endi men jemeimin, – depti.
