وتباسى كۇنى قارساڭىندا وسكەمەندەگى ۇزدىكتەر – ءىزعۇتتىنوۆتار وتباسى ماراپاتتالدى.
اۋلەتتىڭ وتاعاسى باۋىرجان سانسىزباي ۇلى جارى راۋشان تولەگەنقىزىمەن بىرگە ءتورت بالا تاربيەلەپ وتىر. ولار بايقاۋ كوميسسياسىن ءوز فيلوسوفياسىمەن ءتانتى ەتتى.
بالالاردى وقىتۋدا ءىزعۇتتىنوۆتار «بالانى ەمەس، ءوزىڭدى تاربيەلە» دەگەن باستى قاعيدانى باسشىلىققا الادى. بۇل ءتاسىل وتباسىندا ۇرپاقتان-ۇرپاققا جالعاسىپ كەلەدى. ءىزعۇتتىنوۆتار جانۇياسى بالالارىنىڭ تورتەۋى دە وقۋدا تابىستى ءارى جاڭا ءبىلىم الۋعا شىنايى قىزىعۋشىلىق تانىتادى. بالالاردىڭ ۇلكەندەرى نازاربايەۆ زياتكەرلىك مەكتەبىنىڭ وقۋشىلارى، ەكەۋى دە ۇزدىكتەر قاتارىندا.
وتباسى ۇلتتىق داستۇرلەردى دە بەلسەندى تۇردە ۇستانادى. ءىزعۇتتىنوۆتار اۋلەتىنىڭ اعا بۋىن وكىلدەرى قازاق حالقىنىڭ ءسالت-داستۇرىن، مادەنيەتىن، سونداي-اق انا ءتىلىن بالالارعا جەتكىزۋدى پارىز سانايدى. ۇلتتىق قۇندىلىقتاردى ۇستانۋ بالالاردىڭ شىعارماشىلىققا دەگەن سۇيىسپەنشىلىگىن جانە ەموسيونالدىق ينتەللەكتىن دامىتۋعا كومەكتەسەدى.
ۇلكەن قىزى فورتەپيانو مەن گيتارا، ال ۇلى دومبىرا تارتسا، كىشىلەرى سۋرەت سالۋمەن جانە بيمەن اينالىسادى. ءىزعۇتتىنوۆتار وتباسىنىڭ ۇلكەندەرىنىڭ بارلىعى ۇلتتىق مۋزىكالىق اسپاپتاردى جاقسى كورەدى، ال مەرەكە كۇندەرى ۇلكەن وتباسى ۇيدە كونسەرتتەر وتكىزىپ وتىرادى.
بالالاردىڭ اتا-اناسىنىڭ ەكەۋى دە جۇمىس ىستەيتىندىگىنە – اكەلەرى «كازسينكتىڭ» وسكەمەن مەتاللۋرگيالىق كەشەنىندە، ال انالارى مەكتەپتە قازاق ءتىلى ءمۇعالىمى بولىپ ەڭبەك ەتەتىنىنە قاراماستان، ولار بالالاردىڭ ءارقايسىسىنا ۋاقىت بولە بىلەدى. ءىزعۇتتىنوۆتار وتباسىنىڭ ءتورت بالانىڭ ءارقايسىسىنا جەكە ۋاقىت ارنايتىن مىزعىماس ءداستۇرى بار.
