پولشا ەلشىلىگىنىڭ ۋاقىتشا سەنىمدى وكىلى ميحال لابەندا ءوزىن "قازاقشاسويلەشنيكپىن" دەپ اتاپ، ۆيدەو جاريالادى، دەپ حابارلايدى Dalanews.kz.
بۇل ونىڭ ەلىمىزدە بەلگىلى زاڭگەر ەرجان ەسىمحانوۆقا جاۋابى رەتىندە كورىندى.
"ءيا، مەن قازاقشاسويلەشنيكپىن - كوبىندە قازاقشا سويلەسىپ ءجۇرمىن جانە مەنىمەن قازاقشا سويلەسسەڭ، ريزا بولامىن"، – دەدى پولشا ەلشىسى پاراقشاسىندا.
ايتا كەتەيىك
ميحال لابەندا - پولشانىڭ تاجىريبەلى ديپلوماتى جانە شىعىستانۋشىسى، قازاق ءتىلى مەن مادەنيەتىنە تەرەڭ قىزىعۋشىلىق تانىتقان تۇلعا.
لابەندا قازاق تىلىنە دەگەن قىزىعۋشىلىعىن 1993 جىلى الماتىعا كەلگەن كەزدە باستادى. ول ءال-فارابي اتىنداعى قازاق ۇلتتىق ۋنيۆەرسيتەتىنىڭ (قازۇۋ) دايىندىق بولىمىندە قازاق ءتىلىن ۇيرەنىپ، كەيىن ۋنيۆەرسيتەتتىڭ شىعىستانۋ فاكۋلتەتىندە ءبىلىم الدى. 1999 جىلى «ۆوستوكوۆەدەنيە» ماماندىعى بويىنشا ۇزدىك ديپلوممەن ءبىتىرىپ، ديپلومدىق جۇمىسىن «اراب تىلىنەن قازاق تىلىنە كۇردەلى باعىنىڭقى سويلەمدەردى اۋدارۋ ۇلگىلەرى» تاقىرىبىندا قورعادى.
ميحال لابەندا قازاق ءتىلىن ەركىن مەڭگەرگەن. ول قازاق تىلىندە لەكسيالار وقىپ، رەسمي ءىس-شارالاردا سويلەيدى. مىسالى، 2024 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىندا «پولشانىڭ ەۋروپالىق وداقتاعى 20 جىلدىعى» تاقىرىبىندا قازاق تىلىندە ءدارىس وقىدى. ول قازاق ءتىلىنىڭ باي سوزدىك قورى مەن يديومالارىن جوعارى باعالاپ، ءتىلدى ۇيرەنۋ ارقىلى حالىقتىڭ بولمىسىن تەرەڭ تۇسىنۋگە بولاتىنىن اتاپ ءوتتى.
ەسكە سالايىق، الەۋمەتتىك جەلىدە تانىمال زاڭگەر ەرجان ەسىمحانوۆتىڭ قازاق تىلىندە سويلەيتىندەرگە قاتىستى جازباسى قىزۋ تالقىعا تۇسكەن بولاتىن. Threads-تەگى جازبادان كەيىن قالىڭ كوپشىلىك اشىق پىكىر ءبىلدىرىپ، نارازىلىعىن كورسەتتى.
جەلىدەگى مىنا جازبادان كەيىن داۋ شىقتى:
زاڭگەر كونە تىلدەردەگى ماتىندەردى قالپىنا كەلتىرىپ، ەرەكشە كونتەنت جاسايتىن Arum Natzorkhang ەسىمدى بلوگەر تۋرالى ايتا كەلىپ، ءسوز اراسىندا "بۇل قازاقشاسويلەشنيكتەرگە قايدان جەتسىن؟" دەگەندەي مىسقىلداعان.
حالىقتىڭ اشىق رەاكسياسى
جەلى قولدانۋشىلارى قازاق ءتىلى ءسوز بولعان بۇل داۋلى جازبادان كەيىن ءۇنسىز قالماعان.
"انا ءتىلىن قۇرمەتتەۋگە شاقىرعانداردى "قازاقشاسويلەشنيكي" دەپ كەمىتەتىن قازاق بلوگەر بار ەكەن. انگليادا تۇرماسا دا اعىلشىن ءتىلىن ساناۋلى ۋاقىتتا ۇيرەنىپتى. ءبىراق قازاقستاندا تۋىپ-وسسە دە 30 جىلدا انا ءتىلىن مەڭگەرمەگەنىنە تاڭ قالام"، - دەپ جازدى جۋرناليست عالىمجان قارامان ۇلى.
"قازاقشاسويلەشنيكي" دەگەن تەرميندى بولىپپىز. بالكىم قازاقشا سويلەۋدى تالاپ ەتەتىندەر "رۋسسكويازىچنايا سرەدا" وكىلدەرىنە ىڭعايسىزدىق تۋدىرىپ جۇرگەن بولارمىز"، - دەپ جازدى تانىمال پروديۋسەر ايساۋلە ءابىلدا.
"قازاقشا سويلە دەگەننەن سونشا شوشىپ، ونى ءبىر قۇبىجىق قىلىپ كورسەتەسىز"، "قانشا اقتالساڭىز دا "قازاقشاسويلەشنيكي" دەپ كەمسىتكەنىڭىز دۇرىس بولماپتى"، "قازاقتى كەمسىتپە، قازاق بالا"، - دەدى وزگە دە جەلى قولدانۋشىلارى.
