وسى جىلدىڭ 1 تامىزى مەن 30 قىركۇيەگى ارالىعىندا «مەكتەپكە جول» رەسپۋبليكالىق اكسياسى ۇيىمداستىرىلادى. بيىل جەتىسۋ وبلىسىندا الەۋمەتتىك وسال توپتاعى 16650 بالاعا كومەك كورسەتۋ جوسپارلانۋدا- دەپ حابارلايدى Dalanews.kz
جىل سايىنعى بۇل ءداستۇرلى اكسيا از قامتىلعان، كوپ بالالى، جەتىم جانە اتا-اناسىنىڭ قامقورلىعىنسىز قالعان بالالارعا وقۋ جىلىنىڭ باستالۋىنا دايىندىق كەزىندە ماتەريالدىق قولداۋ كورسەتۋ ماقساتىندا وتكىزىلەدى.
بۇگىنگى كۇنى اكسيانى ۇيىمداستىرۋ جانە وتكىزۋ بويىنشا وڭىرلىك ءىس-شارالار جوسپارى جاسالىپ، كومەككە مۇقتاج بالالاردىڭ ءتىزىمى جيناقتالىپ، بەكىتىلگەن.
«بيىلعى جىلعا اۋدان، قالالاردا الەۋمەتتىك وسال توپتاعى 16650 بالانىڭ مەكتەپكە جينالۋىنا كومەك كورسەتىلەدى دەپ جوسپارلانىپ وتىر. سونىمەن قاتار، قازاقستان رەسپۋبليكاسى ۇكىمەتىنىڭ قاۋلىسى اياسىندا الەۋمەتتىك وسال توپتاعى وتباسىلاردىڭ 25229 بالاسىن كيىم-كەشەك، كەڭسە تاۋارلارىمەن قامتۋ ماقساتىندا جەرگىلىكتى بيۋدجەتتەن 1،1 ملرد. تەڭگەدەن استام قاراجات ءبولىندى. بۇگىنگى كۇنگە اقسۋ، كوكسۋ، كەربۇلاق اۋداندارىندا 100% اۋدارىم جاسالدى. قالعان قالا، اۋدانداردا 15 تامىزعا دەيىن تولىق اياقتاۋ جوسپاردا بار»، - دەلىنگەن وبلىستىق ءبىلىم باسقارماسىنىڭ حابارلاماسىندا.
