بۇگىندە قازاقستان ەۋرازيالىق وداقتىڭ مۇشەسى بولعاندىقتان، سىرتتان كەلەتىن مەديسينالىق ماقتاعا كەدەندىك باج سالىعىن كوتەرۋ مۇمكىن ەمەس. ءبىراق قالاي بولعاندا دا ىشكى نارىقتى قولداۋ قاجەت. بۇل رەتتە تىعىرىقتان جولدى تۇركىستان ماقتا زاۋىتىنىڭ ديرەكتورى مارات مولدىمانوۆ ۇسىندى.



 

– بۇگىندە كوپتەگەن اۋىل شارۋاشىلىعى داقىلدارىنا سۋبسيديا بەرىلەتىنى بەلگىلى. بىزدىڭشە، ەلىمىزدەگى ماقتا وسىرەتىن شارۋالار مەملەكەتتىڭ كومەك قارجىسىن العىسى كەلسە، ماقتاسىن وتاندىق كاسىپورىندارعا نارىق باعاسىمەن ساتۋ تۋرالى تالاپ قويۋى كەرەك. سول كەزدە قازاقستاندا وندىرىلگەن ماقتانىڭ ءبارى سىرتقا ەكسپورتتالىپ كەتپەيدى. ەلىمىزدە وندىرىلگەن ماقتانىڭ ءبىراز بولىگى وتاندىق كاسىپورىنعا ساتىلسا، ەلىمىزدە جەڭىل ونەركاسىپ داميتىنىنا سەنىمدىمىن، – دەيدى كاسىپورىن باسشىسى.

ارينە، وتاندىق ءوندىرىستى قولداۋعا باعىتتالعان مۇنداي شارالار ءدال ءقازىر اسا قاجەت. جالپى مۇنداي شارا ۇزاق جىلدارعا سوزىلمايتىنى دا بەلگىلى. ءوزىمىز وسىرگەن ماقتانى وتاندىق كاسىپورىندارعا ساتقان شارۋالار سۋبسيديا بەرىلسە، بۇل شارۋاعا دا، ماقتا وڭدەۋ ىسىمەن اينالىساتىن كاسىپورىندارعا دا ءتيىمدى بولادى. ال كاسىپورىندار اياققا تۇرعان كەزدە ەلىمىزدە وندىرىلگەن ماقتانىڭ ءبارىن وتاندىق كاسىپورىندار ساتىپ الىپ، ءوز جەرىمىزدە دايىن ونىمگە اينالدىراتىن مۇمكىندىك تۋادى. مۇنداي جاعدايدا قازاقستان ماقتا ەكسپورتتاۋشى ەمەس، يمپورتتاۋشى ەلگە اينالارى ءسوزسىز.



Dalanews.kz