– Búginde kóptegen aýyl sharýashylyǵy daqyldaryna sýbsıdıa beriletini belgili. Bizdińshe, elimizdegi maqta ósiretin sharýalar memlekettiń kómek qarjysyn alǵysy kelse, maqtasyn otandyq kásiporyndarǵa naryq baǵasymen satý týraly talap qoıýy kerek. Sol kezde Qazaqstanda óndirilgen maqtanyń bári syrtqa eksporttalyp ketpeıdi. Elimizde óndirilgen maqtanyń biraz bóligi otandyq kásiporynǵa satylsa, elimizde jeńil ónerkásip damıtynyna senimdimin, – deıdi kásiporyn basshysy.
Árıne, otandyq óndiristi qoldaýǵa baǵyttalǵan mundaı sharalar dál qazir asa qajet. Jalpy mundaı shara uzaq jyldarǵa sozylmaıtyny da belgili. Ózimiz ósirgen maqtany otandyq kásiporyndarǵa satqan sharýalar sýbsıdıa berilse, bul sharýaǵa da, maqta óńdeý isimen aınalysatyn kásiporyndarǵa da tıimdi bolady. Al kásiporyndar aıaqqa turǵan kezde elimizde óndirilgen maqtanyń bárin otandyq kásiporyndar satyp alyp, óz jerimizde daıyn ónimge aınaldyratyn múmkindik týady. Mundaı jaǵdaıda Qazaqstan maqta eksporttaýshy emes, ımporttaýshy elge aınalary sózsiz.
Dalanews.kz
