استاناعا كٸرەبەرٸستە ٸرٸ شٸركەۋ سالۋ باستاماسى مەسليحات دەپۋتاتى باۋىرجان سمايلوۆتىڭ سىنىنا ۇشىرادى, دەپ حابارلايدى Dala News.
استانا قالالىق مەسليحاتىنىڭ وتىرىسىندا ەلورداعا كٸرەبەرٸس اۋماقتا ورتالىق ازيياداعى ەڭ ٸرٸ شٸركەۋ سالۋ جوسپارى تالقىلانىپ, دەپۋتات باۋىرجان سمايلوۆ بۇل باستاماعا اشىق قارسىلىق بٸلدٸردٸ.
دەپۋتاتتىڭ ايتۋىنشا, قالادا تٷرلٸ كونفەسسييالارعا ارنالعان عيبادات ورىندارى جەتكٸلٸكتٸ, ال ەلوردا قاقپاسىنا اۋقىمدى شٸركەۋ سالۋ قوعام ٷشٸن ماقتاناتىن جوبا ەمەس.
«ورتالىق ازيياداعى ەڭ ٷلكەن شٸركەۋ سالىنباق دەيدٸ. وعان قارجىنى كٸم بٶلٸپ جاتىر? ونداي نىسان بٸزگە شىنىمەن قاجەت پە? بٸز بۇل مەسەلەنٸ جان-جاقتى تالدادىق پا? قالادا شٸركەۋلەر بار, ٷلكەنٸ دە, كٸشٸسٸ دە جەتكٸلٸكتٸ. ال ەلوردانىڭ كٸرەبەرٸسٸنە وسىنداي نىسان سالۋ ماقتاناتىن جاعداي ەمەس», – دەدٸ باۋىرجان سمايلوۆ مەسليحات وتىرىسىندا.
بۇل سىنعا جاۋاپ بەرگەن نۇرا اۋدانىنىڭ ەكٸمٸ ريشات تۇردىبەكوۆ جوبانىڭ بۇرىننان بەكٸتٸلگەنٸن العا تارتتى. ونىڭ ايتۋىنشا, شٸركەۋ قۇرىلىسى مەملەكەتتٸك بيۋدجەت ەسەبٸنەن سالىنبايدى.
«بۇل نىسان باس جوسپارعا سەيكەس قاراستىرىلعان. مەشٸت بولسىن, شٸركەۋ بولسىن بيۋدجەتتەن قارجى بٶلٸنبەيدٸ. قۇرىلىس قايىرىمدىلىق قاراجات ەسەبٸنەن جٷرگٸزٸلەدٸ. اتالعان جوسپار 2018–2019 جىلدارى بەكٸتٸلگەن», – دەدٸ اۋدان ەكٸمٸ.
سونىمەن قاتار, ريشات تۇردىبەكوۆ بۇل مەسەلە بويىنشا كەيٸنٸرەك قوسىمشا اقپارات بەرٸلەتٸنٸن مەلٸمدەدٸ.
ايتا كەتەيٸك, ەلوردا اۋماعىنداعى ٸرٸ قۇرىلىس جوبالارى قوعامدا جيٸ پٸكٸرتالاس تۋدىرىپ كەلەدٸ. بۇل جولى دا قالا كەلبەتٸ مەن قوعامدىق سۇرانىس اراسىنداعى تەپە-تەڭدٸك مەسەلەسٸ كٷن تەرتٸبٸنە شىقتى.
