وبلىس اكىمى ج.تۇيمەبايەۆتىڭ ارنايى تاپسىرماسىنا سايكەس، ماقتاارال اۋدانى اكىمىنىڭ اپپاراتى اقپاراتتاندىرۋ، مەملەكەتتىك قۇپيالاردى قورعاۋ جانە مەملەكەتتىك قىزمەت كورسەتۋ مونيتورينگى ءبولىمىنىڭ، اۋداندىق ىشكى ساياسات، مادەنيەت جانە تىلدەردى دامىتۋ ءبولىمىنىڭ ۇيىمداستىرۋىمەن «ءداستۇرلى قۇندىلىقتار كەرۋەنى» تاقىرىبىنداعى كوشپەلى جيىن ماقتاارال اۋدانىنا كەلدى.
تۇرعىنداردىڭ مادەني جانە رۋحاني سەزىمدەرىن قالىپتاستىرۋ، دەسترۋكتيۆتى ءدىني اعىم جاقتاستارىن قازاقستاندىق قوعام قۇندىلىقتارىنا بەيىمدەۋ، مەملەكەت پەن ءدىن اراقاتىناسىنداعى زايىرلىلىق ۇستانىمى بويىنشا حالىقتى اقپاراتتاندىرۋ – ءداستۇرلى قۇندىلىقتار كەرۋەنىنىڭ باستى ماقساتى.
ەڭ الدىمەن جيىنعا قاتىسقان قوناقتار دەسترۋكتيۆتى ءدىني اعىمداردىڭ زاردابىن كورگەن كەيىپكەرلەر تۋرالى ۆيدەوروليكتى تاماشالادى.
ەركىن فورماتتا وتكەن جيىندى اۋدان اكىمىنىڭ ورىنباسارى التىن ەشانقۇلوۆا جۇرگىزىپ وتىردى. سونداي-اق، كوشپەلى ءىس-شاراعا وبلىس اكىمى اپاراتىنىڭ قۇقىق ءبولىمىنىڭ باسشىسى ن.ەشەنقۇلوۆ، ءبولىمنىڭ باس ينسپەكتورى ە.مۇستافا، وبلىستىق ءدىن ىستەرى باسقارماسى «ءدىن ماسەلەلەرىن زەرتتەۋ ورتالىعى» مەكەمەسى ديرەكتورىنىڭ ورىنباسارى م.بەسپايەۆ، وبلىستىق مادەنيەت جانە تىلدەردى دامىتۋ باسقارماسى، حالىق شىعارماشىلىعى ورتالىعىنىڭ ءبولىم باسشىسى ش.مامىتحانوۆالار قاتىستى.
«ءدىن – اسا مۇقياتتىلىقتى، تەرەڭ زەرتتەۋدى، بيىك ساۋاتتىلىقتى، اسىرەسە، جان تازالىعىن قاجەت ەتەدى. سوندىقتان وسى قاسيەتتەردى حالىققا جەتكىزىپ، جەتىلدىرىپ وتىرۋ كەرەك. سوندا عانا جۇرتتىڭ دىنگە دەگەن سەنىمى ارتىپ، ۇستانىمىنا سەلكەۋ تۇسپەيتىن بولادى. وسىعان وراي، وبلىس اكىمىنىڭ باستاماسىمەن ايماقتارعا جول تارتقان «ءداستۇرلى قۇندىلىقتار كەرۋەنى» جوباسى جەرلەستەرىمىزدىڭ ۇلتتىق قۇندىلىققا دەگەن ۇستانىمىن بەكەمدەپ، ءداستۇرلى دىنگە دەگەن كوزقاراسىن قالىپتاستىرۋدا زور مۇمكىندىك بەردى. ءتىپتى، اتالمىش جوبا اۋدان تۇرعىندارىنىڭ اراسىندا ءداستۇرلى رۋحاني مادەنيەتتى ىلگەرىلەتۋ، مەملەكەتىمىزدىڭ رۋحاني تىرەگى بولعان اسىل ءدىنىمىزدىڭ جالپىعا ورتاق ادامگەرشىلىك قاعيدالارىن ناسيحاتتاۋدى وزەك ەتەدى» - دەدى ا. ەشانقۇلوۆا.
ايتا كەتەيىك، كوشپەلى جيىن ماقتاارالدىقتارعا رۋحاني قۇندىلىقتاردى جاڭعىرتۋ جانە حالىقتىڭ ۇلتتىق ساناسىن وياتۋ ارقىلى تەرىس پيعىلدى ءدىني اعىمدارمەن قارسى كۇرەسۋدىڭ مادەنيەتتى جولىن ءتۇسىندىردى. سونداي-اق، رۋحاني ساناسىن جاڭعىرتۋ، ءسالت-داستۇر، مادەنيەتىمىزدى كوزدىڭ قاراشىعىنداي ساقتاي ءبىلۋ جانە تاعىلىمى مول تاريحىمىزدى قاستەرلەۋدىڭ قۇندىلىعىن ءاربىر ازاماتقا ۇعىندىردى
