عاسىرعا بەرگىسىز ۋاقىتتا تاريحي كەزەڭدەردى وتكەرگەن اۋداننىڭ ايتۋلى كۇنىنە جەرگىلىكتى تۇرعىندارمەن قوسا وزبەكستان رەسپۋبليكاسى سىرداريا وبلىسىنان اتارىلتىپ كەلگەن دەلەگاتتار قاتىستى.
«اق التىن» مادەنيەت ۇيىندە وتكەن مەرەيلى مەرەكەگە ورتاقتاسقان وبلىسى اكىمى جانسەيىت تۇيمەبايەۆ ەڭبەكقور ماقتاارالدىقتارعا دەگەن ىزگى تىلەگىن جەتكىزدى.
«وبلىسىمىزدىڭ باسقا اۋداندارى سياقتى ماقتالى ماقتاارالدىڭ دا تاريحى وتە باي. العاشىندا ءمىرزاشول اتاۋىمەن بەلگىلى بولعان بۇل مەكەننىڭ ەرەكشەلىگى – جەرىنىڭ جومارتتىعىندا. ماقتاارالدىقتاردىڭ ەرەن ەڭبەگى مەن اقىلى – ءشول دالانى گۇلدى، جازيرالى ءجاننات مەكەنگە اينالدىردى. ءمىرزاشول دالاسىن سۋلاندىرۋداعى نەگىزگى ماقسات – ماقتا القابىن مولايتۋ ەدى. العاش رەت اۋداندا ماقتا شارۋاشىلىقتارى قۇرىلىپ جاتقاندا تۇركىستان جەر شارۋاشىلىعى حالىق كوميسسارى قىزمەتىن اتقارىپ جۇرگەن ۇلت ماقتانىشى سۇلتانبەك قوجانوۆ كانالدى قازۋشىلارمەن بولعان كەزدەسۋىندە ماقتانىڭ اسا قىمبات شيكىزات ەكەنىن، بولاشاقتا اق التىن كۇللى تۇركىستان ولكەسىنىڭ بايلىعى بولاتىنىن ايتقان ەكەن.
مىنە، ەلباسىمىزدىڭ تىكەلەي قولداۋىمەن تۇركىستان وبلىسىنىڭ جاڭا ءداۋىرى باستالىپ كەلەدى. وبلىسىمىزدىڭ قيىر وڭتۇستىگىندە ورنالاسقان، اق التىننىڭ ورداسى – ماقتالى ماقتاارال اۋدانىنىڭ مەرەكەسى بارىمىزگە ورتاق.
ماقسات — توي تويلاۋ ەمەس، ءبىر عاسىرعا جۋىق ۋاقىت ارالىعىنداعى وقيعالاردى وي ەلەگىنەن وتكىزۋ. ەلدىڭ بىرلىگىن نىعايتىپ، يگى ىسكە جۇمىلدىرۋ»، – دەدى جانسەيىت قانسەيىت ۇلى.
