ەلباسىمىز ن.ءا.نازاربايەۆ ءوزىنىڭ «قازاقستان حالقىنىڭ ءال-اۋقاتىن ارتتىرۋ – مەملەكەتتىك ساياساتتىڭ باستى ماقساتى» اتتى جولداۋىندا: «دەنى ساۋ ۇلت – جالپىۇلتتىق مىندەت. سالاۋاتتى ءومىر سالتىن كەڭىنەن ناسيحاتتاۋ جۇمىسىن جانداندىرۋ كەرەك» – دەپ اتاپ ايتقان ەدى.
وسى ماقساتتا تۇركىستان وبلىسى جەتىساي اۋدانىندا ۇيىمداستىرىلعان فۋتبول تويى تالاي كورەرمەندى تاڭداي قاقتىردى. اياقدوپ دەسە ارقاسى قوزاتىن جانكۇيەرلەر بۇل جارىستا اۋدانارالىق بايگەنىڭ كۋاسى بولدى.
ايتا كەتەلىك، 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنت كۇنىنە وراي تۇركىستان وبلىسى جەتىساي اۋدانىندا «تۇعىرى بيىك – ەلباسى!» اتتى كىشى فۋتبولدان مەملەكەتتىك ورگاندار مەن ەكىنشى دەڭگەيلى بانك قىزمەتكەرلەرى اراسىندا جارىس وتكەن بولاتىن.
مىنەكەي، وسىناۋ جارىستا ماقتاارال اۋدانى اكىمدىگى ءى ورىندى جەڭىپ الىپ، چەمپيون اتاندى.
ءوز كەزەگىندە ماقتاارال اۋدانى اكىمىنىڭ ۋاقىتشا مىندەتىن اتقارۋشى بەيسەنباي تورەبەكوۆ جەڭىمپاز كوماندا مۇشەلەرىن قابىلداپ، ارنايى ماراپاتتادى. سونداي-اق، ىزگى تىلەگىن ارناپ، قوشەمەتىن كورسەتتى.
«قىزمەت پەن سپورتتى قاتار الىپ ءجۇرۋ – باقىتتى بولاشاقتارىڭىزدىڭ كەپىلى. اۋدان اكىمدىگىنىڭ اتىن اسقاقتاتىپ، بەدەلىن كوتەرگەندەرىڭىز ءۇشىن سىزدەرگە شىنايى العىسىمدى بىلدىرەمىن. دەندەرىڭىزگە ساۋلىق، وتباسىلارىڭىزعا اماندىق، ومىرلەرىڭىزگە باق-بەرەكە تىلەيمىن!» - دەدى ب.تورەبەكوۆ.
بۇدان بىلاي مۇنداي سپورت جارىستارى ءداستۇرلى تۇردە وتكىزىلىپ وتىرماق.
