Elbasymyz N.Á.Nazarbaev óziniń «Qazaqstan halqynyń ál-aýqatyn arttyrý – memlekettik saiasattyń basty maqsaty» atty joldaýynda: «Deni saý ult – jalpyulttyq mindet. Salaýatty ómir saltyn keńinen nasihattaý jumysyn jandandyrý kerek» – dep atap aitqan edi.
Osy maqsatta Túrkistan oblysy Jetisai aýdanynda uiymdastyrylǵan fýtbol toiy talai kórermendi tańdai qaqtyrdy. Aiaqdop dese arqasy qozatyn jankúierler bul jarysta aýdanaralyq báigeniń kýási boldy.
Aita ketelik, 1 jeltoqsan – Qazaqstan Respýblikasynyń Tuńǵysh Prezident kúnine orai Túrkistan oblysy Jetisai aýdanynda «Tuǵyry biik – Elbasy!» atty kishi fýtboldan memlekettik organdar men ekinshi deńgeili bank qyzmetkerleri arasynda jarys ótken bolatyn.
Minekei, osynaý jarysta Maqtaaral aýdany ákimdigi I oryndy jeńip alyp, chempion atandy.
Óz kezeginde Maqtaaral aýdany ákiminiń ýaqytsha mindetin atqarýshy Beisenbai Tórebekov jeńimpaz komanda múshelerin qabyldap, arnaiy marapattady. Sondai-aq, izgi tilegin arnap, qoshemetin kórsetti.
«Qyzmet pen sportty qatar alyp júrý – baqytty bolashaqtaryńyzdyń kepili. Aýdan ákimdiginiń atyn asqaqtatyp, bedelin kótergenderińiz úshin Sizderge shynaiy alǵysymdy bildiremin. Denderińizge saýlyq, otbasylaryńyzǵa amandyq, ómirlerińizge baq-bereke tileimin!» - dedi B.Tórebekov.
Budan bylai mundai sport jarystary dástúrli túrde ótkizilip otyrmaq.
