مەجٸلٸس دەپۋتاتى ماقسات تولىقباي ەلدەگٸ كەيٸنگٸ ساياسي ٶزگەرٸستەر, رەزونانستى تاقىرىپتار تٶڭٸرەگٸندە اشىق سۇحبات بەردٸ, – دەپ حابارلايدى Dalanews.kz.
جۋىردا ەربولات دوساەۆ الماتى ەكٸمٸ قىزمەتٸنەن كەتتٸ. دەپۋتات ەكس-ەكٸمنٸڭ جۇمىسىنا باعا بەردٸ.
"دوساەۆقا ەرتٷرلٸ باعا بەرٸپ جاتىر. دوساەۆ - بٸرٸنشٸ كەزەكتە پراگماتيكالىق كٶزقاراستاعى, ەكونوميكالىق لوگيكاسى باسىمىراق ساياساتكەر. ول ەشقاشان ساپارباەۆ سيياقتى ەكٸم بولا المايدى. ٶيتكەنٸ شارۋاشىلىقتان الىستاۋ. ول كٸسٸنٸڭ بٸربەتكەيلٸگٸ, دٶرەكٸلٸگٸ كٶپ ايتىلىپ جاتىر عوي", - دەدٸ ماقسات تولىقباي BILGEN DURYS ارناسىنا بەرگەن سۇحباتىندا.
سونداي-اق, ونىڭ پٸكٸرٸنشە, جاڭادان ەكٸم بوپ كەلگەن دارحان ساتىبالدى ەكەۋٸنٸڭ باسقارۋ ستيلٸ ەكٸ بٶلەك.
"قۇمىرانىڭ ەكٸنشٸ جاعىنان باعا بەرۋٸمٸز كەرەك شىعار. دارحان ساتىبالدىنىڭ الماتىداي ەڭ ٸرٸ مەگاپوليسكە ەكٸم بوپ كەلۋٸ جاڭا ساياسي ەليتا قالىپتاسا باستاعانىن كٶرسەتەدٸ. ٶيتكەنٸ نازارباەۆتىڭ اينالاسىنداعى ەڭ ٸرٸ وليگارح توپتاردىڭ ساياسي ويىننان ىعىستىرىلا باستاعانىنىڭ كٶرسەتكٸشٸ بۇل. ٶيتكەنٸ ول توقاەۆتىڭ دەۋٸرٸندە كەلدٸ. ەلشٸ بولدى. تٷركٸستان وبلىسىنىڭ دامۋ باسپالداقتارىن كٶرٸپ وتىرعان شىعارسىزدار. ...توقاەۆتىڭ اينالاسىنداعى ساياسي ەليتانىڭ كەلٸسٸمٸمەن كەلگەن ادام", - دەدٸ ساراپشى BILGEN DURYS ارناسىنا بەرگەن سۇحباتىندا.
دەپۋتات جۇرتتىڭ وسى ٶزگەرٸسكە قاتىستى "الماتىنى نەگە "چيمكەنتسكيي" باسقارۋى كەرەك?" دەگەن پٸكٸرٸنە قاتىستى ٶز ويىن ايتتى.
"وسى كٶزقاراستان كەتۋٸمٸز كەرەك. سايلاۋ دەسە دە وسىلاي شىعامىز. ەرنەرسەدەن قورقىپ وتىرا بەرسەك, دامۋ بولمايدى. سوت سالاسىنا بايلانىستى بولسىن, ەكٸمدٸككە بايلانىستى بولسىن. دارحان ساتىبالدىنىڭ باسقارۋ ستيلٸ بٶلەك. تٷركٸستان - ەڭ ٸرٸ وبلىس. ٷش ميلليون حالقى بار. ول جاقتا دا ەرتٷرلٸ كلاندىق توپتار بار, اقساقالدار ينستيتۋتى قاتتى دامىعان. سونىڭ بەرٸنەن ٶتتٸ. قازاقستاندا اقشاعا ساتىپ الا المايتىن بٸر-اق نەرسە بار: ول - تەجٸريبە. تەجٸريبەسٸ بار, ديپلومات. الماتىداعى ٷلكەن زييالى قاۋىمنىڭ دا تٸلٸن تاباتىن شىعار دەپ ويلايمىز", - دەيدٸ ماقسات تولىقباي سۇحبات بارىسىندا.
وسى تۇستا دەپۋتات شىمكەنتتەگٸ جاعدايدى دا اينالىپ ٶتپەدٸ. بٸراز ۋاقىت بۇرىن شىمكەنت ەكٸمنٸڭ ورىنباسارى رۋسلان بەردەنوۆكە شابۋىل جاسالدى.
"جەكە باستىڭ مەسەلەسٸ دە بولۋى مٷمكٸن. ەكٸنشٸ تاراپتان دا اقپارات جيناتتىق. ول دا كەسٸپتٸڭ اينالاسىندا جٷرگەن, تەندەردٸڭ اينالاسىندا جٷرگەن, جاعدايى جامان ەمەس ازامات. رۋسلان بەردەنوۆ ٶتە بٸلٸكتٸ, بٸلٸمدٸ ازامات ەكەنٸن بٸلەسٸزدەر. ٶزٸنٸڭ ۇستانىمى بار. كەسٸپتەن كەلگەن ازامات, جالاقىعا قىزىعىپ بارعان ادام ەمەس. تۋعان جەرٸنە قىزمەت ەتكٸسٸ كەلگەن شىعار. "شىمكەنتتەگٸ جەمقورلىقتى توقتاتۋعا بار كٷش-جٸگەرٸمدٸ سالامىن" دەپ بٸرٸنشٸ كٷنٸ بەرگەن سۇحباتىندا دا جيٸ قايتالاپ ايتتى. مٷمكٸن جەرگٸلٸكتٸ ازاماتتارعا جاقپاي قالعان شىعار. "جۇمىس ٸستەگٸڭ كەلمەسە, ورنىڭدى بوسات" دەگەن ەڭگٸمەلەر شىققانى دا ايتىلدى. وقيعانىڭ باسى-قاسىندا بولماعاننان كەيٸن سىرتتان وتىرىپ توپشىلاۋ ەتيكالىق تۇرعىدان دۇرىس ەمەس شىعار. سوت بولادى, سول كەزدە ەستي جاتارمىز", - دەدٸ ول.
دەپۋتات بٸراز ۋاقىت بۇرىن وسى قىزمەت بويىنشا ٶزٸنە دە ۇسىنىس تٷسكەنٸن جاسىرمادى.
"ۇسىنىس جاسالعانى راس. نەگە شىمكەنت دەگەن دە سۇراق تۋىندايدى. ٷش ۇيىقتاسام تٷسٸمە كٸرمەيتٸن دٷنيە. بٸراق قازٸر كەلگەن ەكٸم عابيت سىزدىقبەكوۆ - قىزىق پەرسوناج. ەرتٷرلٸ ەڭگٸمە بولعانى دا راس. ول جاقتا وتىز جىلدان بەرٸ قالىپتاسقان ٷلكەن كلاندار, توپتار بار. "جاستاۋ ەكٸم قالاي بولادى ەكەن, باسقارىپ كەتە الا ما?" دەدٸ. بٸراق كەلگەننەن باستاپ مٸنەز كٶرسەتتٸ. شىمكەنتكە جيٸ بارامىن, حالىقتىڭ دا پٸكٸرٸن تىڭدايمىن. ٶتە ٸسكەر. تالاپ قويا الادى. كەلە سالا ٷلكەن-ٷلكەن كلاندارمەن كٷرەستٸ. ونى مويىنداۋ كەرەك. ەشكٸم وتىز جىلدا تٸسٸ باتپايتىن, كەيبٸر ازاماتتاردىڭ زاڭسىز سالىنعان عيماراتتارىنا دەيٸن بۇزىپ تاستادى. مويىنداتتى. قازٸر بەرٸ ساناسادى. ەكەۋارا ەڭگٸمە بولعانى دا راس. ۇسىنىس كەلدٸ. مەن دە ويلاندىم, باسشىلىقپەن اقىلداستىم. ...ەكٸ-اق جىل وتىردىق قوي (دەپۋتات رەتٸندە - ەسك.). بٸتپەي قالعان جۇمىس كٶپ. "ۇسىنىسىڭىزعا راقمەت, الداعى ۋاقىتتا كٶرەرمٸز" دەگەن سىڭايدا بارلىعىن تٷسٸندٸرٸپ ايتتىم", - دەدٸ ماقسات تولىقباي.
