ماڭعىستاۋ وبلىسىندا ەكٸ جاسٶسپٸرٸم وقۋشىنى اياۋسىز سوققىعا جىعىپ, بولعان وقيعانى ۆيدەوعا تٷسٸرٸپ العان, دەپ حابارلايدى dalanews.kz.
جەبٸرلەنۋشٸنٸڭ ەپكەسٸنٸڭ ايتۋىنشا, وقيعا تاڭەرتەڭ بولعان. ٸنٸسٸ دٷكەنگە شىققان كەزدە ونى 16-17 جاستاعى ەكٸ جاسٶسپٸرٸم كٷتٸپ تۇرعان. ولار مەكتەپ وقۋشىسىن تانىسىنا قوڭىراۋ شالىپ, سىرتقا شاقىرۋعا مەجبٷرلەگەن. الايدا ەلگٸ جاسٶسپٸرٸم شىعۋدان باس تارتقان سوڭ كٷدٸكتٸلەر وقۋشىنى ۇرىپ-سوعىپ, ونى ۆيدەوعا تٷسٸرگەن.
وسى وقيعادان كەيٸن وقۋشى اۋرۋحاناعا جەتكٸزٸلدٸ. دەرٸگەرلەر تەكسەرٸستەن كەيٸن ونى شۇعىل تٷردە اۋرۋحاناعا جاتقىزعان. تۋىستارىنىڭ ايتۋىنشا, ونىڭ جاعدايى ەلٸ دە اۋىر.
پوليتسييا بۇل دەرەك بويىنشا قىلمىستىق ٸس قوزعادى. وقيعاعا قاتىسقانداردىڭ بارلىعى انىقتالىپ, زاڭدى ٶكٸلدەرٸمەن بٸرگە پوليتسييا بٶلٸمٸنە جەتكٸزٸلگەن.
