Mańǵystaý oblysynda eki jasóspirim oqýshyny aiaýsyz soqqyǵa jyǵyp, bolǵan oqiǵany videoǵa túsirip alǵan, dep habarlaidy dalanews.kz.
Jábirlenýshiniń ápkesiniń aitýynsha, oqiǵa tańerteń bolǵan. Inisi dúkenge shyqqan kezde ony 16-17 jastaǵy eki jasóspirim kútip turǵan. Olar mektep oqýshysyn tanysyna qońyraý shalyp, syrtqa shaqyrýǵa májbúrlegen. Alaida álgi jasóspirim shyǵýdan bas tartqan soń kúdiktiler oqýshyny uryp-soǵyp, ony videoǵa túsirgen.
Osy oqiǵadan keiin oqýshy aýrýhanaǵa jetkizildi. Dárigerler tekseristen keiin ony shuǵyl túrde aýrýhanaǵa jatqyzǵan. Týystarynyń aitýynsha, onyń jaǵdaiy áli de aýyr.
Politsiia bul derek boiynsha qylmystyq is qozǵady. Oqiǵaǵa qatysqandardyń barlyǵy anyqtalyp, zańdy ókilderimen birge politsiia bólimine jetkizilgen.
