اقتاۋ قالاسىنىڭ تۇرعىنى باقتىگۇل كابۋلدينا پەريناتالدىق ورتالىققا جەدەل جاردەم بريگاداسىمەن جەتكىزىلدى. جۇكتى كەلىنشەكتىڭ وكپەسىنە زاقىمدالعاندىقتان، قۇرساقتاعى بالاعا جەتكىلىكتى وتتەگى بارماعان. جۇكتى ايەل قانداي جاعدايدا كوروناۆيرۋستىق ينفەكسيانى جۇقتىرۋى مۇمكىن ەكەنىن ايتا المادى.
– باستاپقىدا مەن اۋرۋمەن ءوزىم كۇرەستىم. ءبىراق كەيىنىرەك ءوزىن-وزى ەمدەۋ مەنىڭ قاتەلىگىم ەكەنىن ءتۇسىندىم. قورقىنىشتى بولدى. ەنتىگۋ كۇشەيىپ، جۇرەك توقتاپ قالاتىنداي سەزىم بولدى. مەن ەندى جاقىندارىمدى كورمەيمىن دەپ ويلادىم.
مەن جانە مەنىڭ بالام دارىگەرلەردىڭ ارقاسىندا امان قالدىق. پەريناتالدىق ورتالىقتىڭ مەديسينا قىزمەتكەرلەرىنە العىسىم شەكسىز، – دەدى ايەل.
ايتا كەتۋ كەرەك، بۇل باقىتگۇل كابۋلدينانىڭ وتباسىنداعى بەسىنشى بالا. ءقازىر ايەل ءوزىن جاقسى سەزىنەدى. وعان جانە بالانىڭ ومىرىنە ءقاۋىپ ءتوندىپ تۇرعان جوق. بىرنەشە كۇننەن كەيىن ولار پەريناتالدى ورتالىقتان شىعارىلادى.
وبلىستىق پەريناتالدىق ورتالىق بازاسىنداعى ينفەكسيالىق بولىمشەدە 40 ايەل ەم الۋدا. ونىڭ 5ء-ۋى اۋىر حالدە. ولار جانساقتاۋ بولىمىنە اۋىستىرىلىپ، ءوجج اپپاراتىنا قوسىلعان.
دارىگەرلەر جۇكتىلىك رەسپيراتورلىق ۆيرۋستىق ينفەكسيالاردان اۋىر دەرتتىڭ ءقاۋپىن ارتتىراتىنىن ەسكە سالادى. سوندىقتان جۇكتى ايەلدەرگە كوروناۆيرۋستى جۇقتىرۋ مۇمكىندىگىن ازايتۋ ءۇشىن قاتاڭ وقشاۋلاۋ رەجيمى ۇسىنىلادى.
سونىمەن قاتار، كوروناۆيرۋستىق ينفەكسيامەن اۋىراتىن ايەلدەر جۇكتىلىكتى جوسپارلاماس بۇرىن تەكسەرۋدەن ءوتۋى كەرەك. اسىرەسە ساۋىققاننان كەيىن ەكى ايدان كەيىن ەنتىگۋ كەتپەيتىن ايەلدەر تەكسەرۋدەن ءوتۋى كەرەك.
