Mańǵystaýlyq dárigerler ókpesiniń 70 paiyzy zaqymdalǵan júkti áieldi aman alyp qaldy
Aqtaý qalasynyń turǵyny Baqtygúl Kabýldina perinataldyq ortalyqqa jedel járdem brigadasymen jetkizildi. Júkti kelinshektiń ókpesine zaqymdalǵandyqtan, qursaqtaǵy balaǵa jetkilikti ottegi barmaǵan. Júkti áiel qandai jaǵdaida koronavirýstyq infektsiiany juqtyrýy múmkin ekenin aita almady.
– Bastapqyda men aýrýmen ózim kúrestim. Biraq keiinirek ózin-ózi emdeý meniń qateligim ekenin túsindim. Qorqynyshty boldy. Entigý kúsheiip, júrek toqtap qalatyndai sezim boldy. Men endi jaqyndarymdy kórmeimin dep oiladym.
Men jáne meniń balam dárigerlerdiń arqasynda aman qaldyq. Perinataldyq ortalyqtyń meditsina qyzmetkerlerine alǵysym sheksiz, – dedi áiel.
Aita ketý kerek, bul Baqytgúl Kabýldinanyń otbasyndaǵy besinshi bala. Qazir áiel ózin jaqsy sezinedi. Oǵan jáne balanyń ómirine qaýip tóndip turǵan joq. Birneshe kúnnen keiin olar perinataldy ortalyqtan shyǵarylady.
Oblystyq perinataldyq ortalyq bazasyndaǵy infektsiialyq bólimshede 40 áiel em alýda. Onyń 5-ýi aýyr halde. Olar jansaqtaý bólimine aýystyrylyp, ÓJJ apparatyna qosylǵan.
Dárigerler júktilik respiratorlyq virýstyq infektsiialardan aýyr derttiń qaýpin arttyratynyn eske salady. Sondyqtan júkti áielderge koronavirýsty juqtyrý múmkindigin azaitý úshin qatań oqshaýlaý rejimi usynylady.
Sonymen qatar, koronavirýstyq infektsiiamen aýyratyn áielder júktilikti josparlamas buryn tekserýden ótýi kerek. Ásirese saýyqqannan keiin eki aidan keiin entigý ketpeitin áielder tekserýden ótýi kerek.
