ونىڭ اياسىندا، پورتتاردىڭ ينفراقۇرىلىمىن دامىتۋ شارالارىمەن قاتار، ەكونوميكالىق ايماقتا 2025 جىلدىڭ سوڭىنا دەيىن كونتەينەرلىك حاب قۇرۋ كوزدەلگەن، دەپ حابارلايدى ماڭعىستاۋ وبلىسى اكىمىنىڭ باسپا ءسوز قىزمەتى.
پورتتاردىڭ ەكونوميكالىق ايماققا قوسىلۋى وڭىرگە ەلەۋلى الەۋمەتتىك-ەكونوميكالىق اسەر ەتەدى جانە وبلىسقا ينۆەستيسيالار تارتۋ ءۇشىن قولايلى الاڭعا اينالدىرىپ قانا قويماي، ءىرى حالىقارالىق كولىك دالىزدەرىنىڭ ءبىرى بولۋىنا ۇلەس قوسادى.
سونىمەن قاتار، پورتتارعا الەمنىڭ ۇزدىك لوگيستيكالىق كومپانيالارىمەن جۇمىس ىستەۋگە جول اشادى.
اقتاۋ تەڭىز پورتى - كاسپيي تەڭىزىنىڭ سولتۇستىك-شىعىس جاعالاۋىندا بىرنەشە حالىقارالىق كولىك دالىزدەرىنىڭ قيىلىسۋ نۇكتەسىندە ورنالاسقان پورت. قۇرعاق جۇكتەر، مۇناي جانە شيكى مۇناي ونىمدەرىن شىعىستان باتىسقا، سولتۇستىكتەن وڭتۇستىككە، سونداي-اق، ءازىربايجان، يران، تۇركىمەنستان، رەسەي ەلدەرىنە جۇك تاسىمالدايتىن ايلاق.
اقتاۋ پورتىندا جىلدىق قۋاتى 12 ميلليون توننالىق 6 مۇناي ايلاعى جۇمىس ىستەيدى. اقتاۋ پورتىنىڭ تاسىمالداۋ ۇلەسى كاسپيي تەڭىزىندەگى جالپى تاسىمال كولەمىنىڭ 40%-ىن قۇرايدى. قازىرگى تاڭدا قازاقتان اقتاۋ پورتى ارقىلى حالىقارالىق كولىك دالىزدەرىنىڭ تۇيىنىنە اينالعان.
-«اقتاۋ تەڭىز ساۋدا پورتى» ۇك» اق-نىڭ «اقتاۋ تەڭىز پورتى» اەا قۇرامىنا قوسىلۋى ق ر يندۋستريا جانە ينفراقۇرلىمدىق دامۋ مينيسترلىگى كولىك كوميتەتىنىڭ، ماڭعىستاۋ وبلىسىنىڭ اكىمدىگى جانە اقتاۋ پورتىنىڭ بولىمشەلەرى قولداپ، بىرىگىپ ىسكە اسىرعان ءبىرقاتار باستامالار مەن ءىس-شارالارىنىڭ قيسىندى قورىتىندىسى بولدى.
سونىمەن قاتار، اەا اۋماعىنىڭ قۇرامىنا اقتاۋ پورتىنىڭ وقشاۋلانعان بولىمشەسى-اقتاۋ قالاسىنان 150 شاقىرىم قاشىقتىقتا ورنالاسقان «باۋتينو» جۇك اۋدانى ەنگىزىلدى، - دەيدى اقتاۋ تەڭىز ساۋدا پورتىنىڭ باسقارما ءتوراعاسى اباي تۇرىكپەنبايەۆ.
قۇرىق پورتىنا توقتالاتىن بولساق، تەڭىز پورتىندا 4 ايلاق جۇمىس ىستەيدى. ونىڭ ەكەۋى تەمىر جول ارقىلى كەلگەن جۇكتەردى پارومعا تيەۋگە ارنالسا، قالعان ەكەۋىنەن كولىكتەر تۇسىرىلەدى. پورتتىڭ قىزمەتىن دامتىپ، جۇك تاسىمالىن ودان ءارى ارتتىرۋ ءۇشىن تاعى ءبىر ايلاق سالۋ جۇمىستارى جۇرگىزىلۋدە. ول ارقىلى سالماعى اۋىر جۇكتەر مەن كونتەينەرلەر تاسىمالدانباق.
سونداي-اق، 2024 جىلدان باستاپ قازاقستاندىق پارومداردى قابىلداۋ جوسپارى بار. بۇل ءوز كەزەگىندە رەسەي جانە يراننىڭ ەكى پورتىمەن جاڭا مارشرۋتتاردىڭ اشىلۋىنا تۇرتكى بولماق.
قازىرگى گەوساياسي جاعدايعا بايلانىستى قۇرىق پورتىندا جۇك تاسىمالى ارتقان. ماسەلەن، 2023 جىلدىڭ باسىنان بەرى مۇندا 550 مىڭ توننادان استام جۇك تاسىمالدانعان. بۇل وتكەن جىلدىڭ وسى كەزەڭىمەن سالىستىرعاندا 2 ەسە كوپ.
-قۇرىق پورتى ارقىلى باكۋگە مۇناي، مەتالل، حيميالىق ونىمدەر ەكسپورتتالىپ جاتىر. كەيبىر جۇكتەر قارا تەڭىزبەن ءارى قاراي ەۋروپاعا جول تارتادى. سونىمەن قاتار، يتاليا، رەسەي مەن بەلارۋسيانىڭ ونىمدەرى ءبىزدىڭ ەلىمىزدىڭ وزگە ايماقتارىنا تاسىمالدانادى، - دەيدى قۇرىق پورتىنىڭ ديرەكتورى سەرىك احمەتوۆ.
قورىتىندىلاي كەلە، «اقتاۋ تەڭىز پورتى» اەا اياسىندا بەرىلەتىن ارتىقشىلىقتار پورتتاردى قارجىلاندىرۋعا باعىتتالاتىن بولادى،
ولاردىڭ قاتارىندا اقتاۋ پورتىنىڭ بازاسىندا كونتەينەرلىك حاب سالۋ جانە پورتتاردى زاماناۋي قايتا تيەۋ تەحنيكاسىمەن تولىق جاراقتاندىرۋ جوباسى بار. سونداي-اق، بەرىلەتىن سالىقتىق جەڭىلدىكتەردەن بوساعان قارجى پورت ينفراقۇرلىمىن جاڭعىرتۋعا جانە پورتتاردىڭ ودان ءارى دامۋى ءۇشىن ينۆەستورلاردى ءتيىمدى تارتۋعا مۇمكىندىك بەرەدى.
